Görünür, Elon Musk-ın Neuralink şirkəti öz beyin implantını insanlar üzərində test etməyə artıq hazırdır. Belə ki, şirkət öz saytında bu prosesdə iştirak edəcək könüllülərin axtarışı ilə bağlı elan yerləşdirib. Elanda könüllülərə olan tələblər və təcrübədə nələrin olacaqları qeyd edilib. Şirkətin Neuralink N1 adlı çipi qəpik ölçüsündə olan çipdir və o, 64 ədəd nazik elektrod vasitəsilə birbaşa beyinə qoşulur. 64 elektroddan hər biri isə beyində hərəkət niyyətindən cavabdeh olan hissələrə yeridilir.

Google şirkəti özünün Chrome brauzeri üçün iki yeni təhlükəsizlik funksiyası üzərində çalışır. Sözügedən funksiyalar Chromium Gerrit adlı platformada aşkar edilib. Funksiyalardan biri istifadəçilərə konfidensiallıq ayarları üçün rahat paneli təqdim edəcək, digəri isə istifadəçiləri veb saytların izlənməsindən qoruyacaq. Məlumatda qeyd edilib ki, Google şirkətinin təhlükəsizlik sistemi cookie fayllarının zərərsizləşdirilməsinə yardımçı olacaq.

Whatsapp tərtibatçıları messencerin iPad planşetləri üçün nəzərdə tutulmuş tətbiqinin beta versiyasını istifadəyə veriblər. Qeyd etmək lazımdır ki, Whatsapp artıq uzun illərdir ki, iPad planşetləri üçün nəzərdə tutulmuş ayrıca versiyasına sahib deyil. Bu səbəbdən də iPad istifadəçiləri messencerin veb versiyasından istifadə etməli olurlar. Qeyd etmək lazımdır ki, messencerin iPad üçün nəzərdə tutulmuş tətbiqinin beta versiyası hələ hamı üçün aktiv deyil.

Bloomberg saytının məşhur insayderi Mark Gurman-ın sözlərinə əsasən Apple özünün Lightning girişindən bütün cihazlarda vidalaşmaq və onu USB-C ilə əvəz etmək niyyətindədir. Bununla belə şirkətin bəzi məhsullarında bunun reallaşdırılmasını bir qədər gözləmək lazım gələcək. Keçən həftə təqdim edilmiş iPhone 15 smartfon seriyasına daxil olan bütün modellər USB-C-yə keçid etdilər. Eyni zamanda şirkət USB-C dəstəkli şarj keysinə sahib AirPods Pro 2-ni də təqdim etdi.

Elon Musk dünən İsrailin baş naziri ilə görüşü zamanı X (keçmiş Twitter) sosial şəbəkəsi ilə bağlı gözlənilməz bəyanat verib. Görünür, Musk öz sosial şəbəkəsini hamı üçün ödənişli etmək niyyətindədir. “Bu, çoxlu sayda botlarla mübarizə aparmağın yeganə yoludur” - deyə Musk qeyd edib. Onun sözlərinə əsasən hər bir botun yaradılmasına bir neçə dollar vəsait sərf edilsə, deməli onların yaradılması o qədər də sərfəli olmayacaq. Üstəlik hər bir bot üçün fərqli ödəniş sistemindən istifadə etmək lazım gələcək.