YouTube dil maneələrini süni intellekt ilə aşır!

YouTube-un süni intellekt ilə işləyən avtomatik dublyaj alətini nəhayət təqdim edib. Beləliklə, İngilis dilində olan videoları müxtəlif dillərə dublyaj etmək mümkün olacaq. Bununla belə, bu funksiya hələlik sadəcə bir neçə dil üçün dublyaj imkanı təklif edir.

YouTube-un süni intellektlə dəstəklənən avtomatik dublyaj aləti nəhayət ki, hazır hala gətirilib. Bu funksiya məlumat və təhsil məqsədləri üçün “YouTube Partnyor Proqramı” kanalı üçün aktivləşdirilib. Qeyd edək ki, tezlikdə bu funksiyanın daha geniş istifadəçi bazasına çatacağı gözlənilir. İndi isə məzmun yaradıcıları ingilis dilli videolarını fransız, alman, hindi, indoneziya, italyan, yapon, portuqal və ya ispan dillərinə dublyaj edə bilərlər.

Habelə, ilkin mərhələdə bu dillərdə olan video yalnız ingilis dilində dublyaj edilə bilər. Proses tamamilə avtomatlaşdırılıb və məzmun yaradıcıları videonun yayımlamadan əvvəl öz videolarının dublyajlarına baxa biləcəklər.

Dublyaj edilmiş videolar YouTube Studio-nun “dillər” bölməsində olacaq və onları avtomatik dublyaj etiketi ilə izləmək olar. YouTube öz elanında üç nümunə dublyaj video paylaşıb. Bu videolardan ikisi fransız və hind dillərindən ingilis dilinə dublyaj edilib, biri isə ingilis dilində olub və müxtəlif dublyaj variantlarını sınaqdan keçirib. İngilis dilinə tərcümələr süni intellekt tərəfindən yaradıldığı üçün kifayət qədər süni tona malikdir, lakin ümumilikdə dəqiq işləyir. Qeyd edək ki, YouTube süni intellekt ilə dublyaj funksiyasını tədricən bütün dillər üçün əlçatan edəcək.