OpenAI-nin böyük dil modeli GPT-4o əsasında işləyən yeni təsvir tərtibatı funksiyası artıq bütün istifadəçilər üçün əlçatandır. Bu barədə OpenAI-nin baş direktoru Sam Altman, X sosial şəbəkəsindəki səhifəsində yazıb. Bundan əvvəl yeni süni zəka təsvir generatorundan yalnız ChatGPT-nin ödənişli abunəçiləri istifadə edə bilirdilər. Hazırda isə servisə daxil olan pulsuz istifadəçilər gündə maksimum iki təsvir yarada bilərlər. Altman daha əvvəl gündəlik limitin üç təsvirə qədər artırıla biləcəyini də qeyd etmişdi. OpenAI-nin təsvir generasiya aləti kütləyə təqdim olunandan dərhal sonra son dərəcə məşhurlaşıb.Altman bildirmişdi ki, şəkil yaratmağa olan tələbat o qədər yüksək idi ki, şirkətin istifadə etdiyi qrafik sürətləndiricilər sözün əsl mənasında “əriyirdi”.

Google DeepMind, robotlara daha geniş fiziki tapşırıqları yerinə yetirməyə imkan verəcək iki yeni süni intellekt modelini təqdim edib. Belə ki, Gemini Robotics və Gemini Robotics-ER, robotların yeni vəziyyətləri dərk etmələrini və hətta təlim olmadan da mühitləri ilə daha yaxşı qarşılıqlı əlaqə qurmalarını təmin etmək məqsədi daşıyır.

Gemini Robotics Google-un qabaqcıl süni intellekt modeli Gemini 2.0 üzərində qurulmuş bir sistemdir. Google DeepMind-in Robototexnika direktoru Karolina Paradanın sözlərinə görə, bu model multimodal dünya anlayışını fiziki hərəkətlərlə birləşdirərək robotları daha çevik və interaktiv edir. Google DeepMind-ə görə, model üç əsas sahədə fərqlənir: ümumiləşdirmə, qarşılıqlı əlaqə və çeviklik.

Hazırda süni intellekt sahəsində şahidi olduğumuz sıçrayışın qarşıdakı illərdə həyatın hər sahəsində köklü dəyişikliklərə səbəb olacağı gözlənilir. İstehsaldan nəqliyyata, səhiyyə sektorundan fizika dünyasına qədər hər sahədə inqilab edəcəyi gözlənilən bu texnologiya internet dünyası üçün də bir dövrü bağlaya və yeni bir dövr aça bilər. Son zamanlar adlarını çox eşitdiyimiz AI agentləri veb saytların gələcəyi üçün ekzistensial təhlükə olaraq görülməyə başlanıblar.Bu yaxınlarda Çində ortaya çıxan Manus AI ilə ilk konkret nümunələrini gördüyümüz AI agentləri, istifadəçilərin təlimatlarına uyğun olaraq bir çox işi təkbaşına yerinə yetirə bilirlər. Belə ki, bu agentlər insan kimi internet saytlarına girib oradan məlumat toplaya, görüş təyin etmək,səbət hazırlamaq kimi müxtəlif əməliyyatları yerinə yetirə bilər.

Sürətlə inkişaf edən süni zəka modelləri artıq indiki mərhələdə yalan danışmağa, faktları saxtalaşdırmağa, həqiqi məqsədlərini gizlətməyə və istifadəçilərin gözlədiyi, lakin yanlış cavablar verməyə qadirdir. Anthropic şirkətinin tədqiqatçıları bu cür davranışları aşkar etməyə imkan verən audit metodları hazırlayıblar. Bunun üçün onlar əvvəlcə Claude adlı çat-botu uydurma yanaşmalara uyğun olaraq öyrədiblər, daha sonra isə yanlış məlumatlar əsasında hazırlanmış neyron şəbəkəsinin gizli məqsədini müəyyən etməyi bacarıblar.Tədqiqatçılar Claude adlı süni zəka köməkçisini, real insan seçimlərinə deyil, qiymətləndirmə modellərindən (RM) mümkün qədər yüksək mükafat almağa

Çin mənşəli süni zəka modelləri, məsələn, DeepSeek ətrafında artan narahatlıqlara baxmayaraq, yeni bir araşdırma göstərir ki, bu qorxular bəlkə də şişirdilmişdir - ən azından məxfilik baxımından. Əslində, bəzi məşhur ABŞ mənşəli süni zəka çat-botları daha çox şəxsi məlumat toplaya bilər. DeepSeek yanvar ayında açıq mənbəli koda sahib flaqman süni zəka modelini təqdim edəndə, ABŞ texnologiya sektoru güclü reaksiya verdi. Bəzi mütəxəssislər bu hadisəni "süni zəkanın gündəlik həyatın bir hissəsinə çevrildiyi an" kimi qiymətləndirdi. 2 gün ərzində 12 milyon insan bu süni zəka çat-botunu yüklədi.