Amerikalı tələbələr 16 ədəd NVIDIA Jetson Nano kompüteri əsasında kompkat ölçülü superkompüter yaradıblar. Tələbələrin əsas tapşırıqları süni zəka ilə çalışmaq üçün nəzərdə tutulmuş hesablama klasterinin yığılması prosesində tədris materialının mənimsənilməsi olub. Sözügedən layihənin reallaşdırılması üçün tələbələr kompakt ölçülü bir platalı NIVIDA Jetson kompüterindən istifadə ediblər. NVIDIA Jetson Nano 4 nüvəli ARM prosessordan (Cortex-A57), 128 nüvəli GPU-dan və 4 GB həcmində ümumi yaddaşdan ibarətdir.

Nəticədə hazırlanmış kompakt ölçülü superkompüter 16 ədəd NVIDIA Jetson Nano-dan ibarət olub. Həmin cihazlar adi stolüstü kompüter keysinin ölçüsündə olan kastom (castom) keysin daxilinə yerləşdirilib.

    Whatsapp tərtibatçıları messencerə bir sıra faydalı funksiyanı əlavə etməyə hazırlaşırlar. Birinci yenilik Companion Mode rejimi adlanır. Bu rejim artıq messencerin beta versiyasında test edilir. Companion Mode rejimi messenceri eyni anda bir neçə smartfonda istifadə imkanını verəcək. Bu rejim çərçivəsində istifadəçinin əlavə smartfonları messencerə qoşması halında messencerdəki bütün çat tarixçələri digər smartfonlarda avtomatik olaraq sinxronlaşdırılacaq. Yəni çatlar bütün smartfonlarda görünəcək. Companion Mode rejimindən əlavə olaraq Whatsapp-ın 2.22.24.18 nömrəli beta versiyasında messencerin Android planşetlərdə dəstəklənməsi səhifəsi aşkar edilib. Messencerin Android planşetlərdə dəstəklənməsi yaxın zamanda reallaşdırılmalıdır.

Twitter istifadəçiləri sosial şəbəkənin bir özəlliyi ucbatından dəfələrlə xoşagəlməz vəziyyətlərə düşüblər. Lakin yaxın zamanda bu vəziyyət dəyişəcək. Elon Musk özü bu barədə məlumat verib. Hal hazırda Twitter istifadəçinin tweet-i hansı növ cihazdan paylaşdığını əks etdirir. Məsələn əgər tweet iPhone üzərindən paylaşılırsa, həmin tweet-in yanında “Twitter for iPhone” yazısı əks olunur. Sosial şəbəkədə olan bu özəllik səbəbilə Android smartfon istehsalçıları ilə əməkdaşlıq edən brendlər və ayrı-ayrı şəxslər dəfələrlə əslində iPhone istifadəsi məsələsində yaxalanıblar. Məsələn 2018-ci ildə Samsung-un rəsmi Twitter hesabı vasitəsilə reklam postu paylaşılmışdı və paylaşılmış postun yanında “Twitter for iPhone” yazısı əks olunmuşdu.

“WhatsApp” onlayn mesajlaşma platforması yeni funksiyanı təqdim etməyi planlaşdırır.

Yeni funksiya artıq bəzi mübahisələrə səbəb olub. Belə ki, yeniliyə əsasən, edilən  əməliyyatı geri qaytarmaq mümkün olacaq.

Yaxınlarda məlum olmuşdu ki, platforma “mesajların redaktəsi” funksiyası üzərində işləyir.

Bundan əlavə, mesajlaşma proqramında, hər kəsin bildiyi kimi, mesajları silmək funksiyası var. Bu funksiya “Hər kəs üçün sil” və ya “Mənim üçün sil” seçimlərindən ibarət olmaqla mesajları müəyyən müddət ərzində silməyə imkan verir.

Adətən Google Play daxilində bütün alış-verişlərin ödənişi Google şirkətinin fərdi ödəniş sistemi üzərindən reallaşdırılır. Buna görə də tətbiq tərtibatçıları Google şirkətinə komissiya ödəməli olurlar. Yaxın zamanda isə bu vəziyyət dəyişəcək. Belə ki, şirkət Google Play-də alternativ ödəniş üsullarının testinə start verib. Start verilmiş testin ilk iştirakçıları Spotify və Bumble servisləri olublar.

Google şirkətinin ödəniş sistemi üzərindən ödəniş edən zaman komissiya 15%-dən 30%-ə kimi təşkil edir.