Sivilizasiyanın inkişaf variantlarını hesablayan World One adlı superkompüter insan sivilizasiyasının məhv olacağı ili təyin edib. Hesablamalar üçün nəzərdə tutulmuş sözügedən superkompüter hələ 1970-ci illərdə Roma klubu adlı beynəlxalq ictimai təşkilatın sifarişi ilə hazırlanıb. Sözügedən təşkilat özündə dünyanın siyasi, maliyyə, incəsənət və elm elitasını birləşdirir. Beləliklə World One superkompüterinin hesablamasına əsasən müasir sivilizasiyanın tənəzzülü 2050-ci ildə baş verəcək.

MediaTek şirkəti Dimensity 9200 adlı yeni flaqman prosessorunu təqdim edib. Təqdim edilmiş yeni prosessor Wi-Fi 7, LPDDR5X standartlarının və hardware səviyyəsində ray tracing texnologiyasının dəstəklərini əldə edib. Dimensity 9000-dən fərqli olaraq isə yeni prosessor performans ilə enerji effektivliyi baxımından nəzərə çarpacaq göstəricilər sərgiləyir. Dimensity 9200 prosessoru bazarda ARMv9 Gen 2 arxitekturası əsasında hazırlanmış ilk mobil prosessordur. Sözügedən prosessor özündə 3.05 GHz tezlikdə çalışan 1 ədəd Cortex-X3 super nüvəsini, 2.85 GHz tezlikdə çalışan 3 ədəd yüksək performanslı Cortex-A715 nüvəsini və 1.8 GHz tezlikdə çalışan 4 ədəd Cortex-A510 nüvəsini birləşdirir.

Twitter-də məhsullardan cavabdeh olan Esther Crawford bildirib ki, sosial şəbəkənin yeni təsdiqləmə sistemi (verification) istifadəçi hesablarını 3 növə ayıracaq. Beləliklə hesabların bir hissəsi boz rəngdə təsdiqləmə ikonuna sahib olacaq və onların adlarının qarşısında Official sözü əks olunacaq. Twitter Blue abunəliyindən istifadə edən hesablar göy rəngli təsdiqləmə ikonunu əldə edəcəklər. Yerdə qalan hesablar isə təsdiqlənməmiş şəkildə qalacaqlar. Bununla belə Twitter Blue istifadəçiləri öz hesabları üçün göy rəngli təsdiq ikonunun əldə edilməsi yolunda hər hansısa sənədi təqdim etməli olmayacaqlar.

Wi-Fi 7 standartı hələ təsdiqlənməsə də, onun dəstəyinə sahib smartfonlar artıq satışa çıxmağa hazırlaşırlar. Məlumata əsasən Wi-Fi 7 dəstəyinə sahib ilk smartfonlar bu ilin sonuna kimi satışa çıxacaqlar. Əsas səbəb isə bugün təqdim edilmiş MediaTek Dimensity 9200 prosessorudur. Hal hazırda kommunikasiya mövzusunda ən öndə olan cihazlar və şəbəkə təchizatları Wi-Fi 6 və Wi-Fi 6E standartlarının dəstəklərinə sahib olanlardır. Lakin bugün təqdim edilmiş MediaTek Dimensity 9200 prosessoru Wi-Fi 7 standartının dəstəyini özündə birləşdirir.

Google şirkəti elan edib ki, yaxın zamanda Youtube daxilində istifadəçilər birgə canlı yayımlar keçirdə biləcəklər. İlkin mərhələdə birgə canlı yayımlar məhdud sayda istifadəçi arasında reallaşdırılacaq və istifadəçilər Youtube-un yalnız mobil versiyası vasitəsilə birgə canlı yayımlar keçirdə biləcəklər. Gələcəkdə isə bu funksiyanın istifadə imkanları daha da genişləndiriləcək. Birgə canlı yayım zamanı istifadəçilərdən biri aparıcı, digərləri isə qonaq qismində çıxış edəcəklər. Canlı yayımın işə salınması üsulunda heç bir dəyişiklik olmayacaq. Canlı yayımı tez bir zamanda işə salmaq və ya daha öncədən planlaşdırmaq olar.