Xiaomi şirkəti sonunda öz ilk qatlana bilən smartfon modelini təqdim edib. Təqdim olunmuş smartfon Mi Mix Fold adlanır və adından da göründüyü kimi o, Mi Mix smartfon seriyasına daxil olub. Qatlana biən Mi Mix Fold smartfonu kompakt gövdədə böyük ölçülü ekran, güclü texniki özəlliklər, maye linzaya sahib innovasiyalı kamera və desktop rejimini əldə edib. Mi Mix Fold qatlana bilən smartfonlar arasında hamıya tanış olan dizaynda reallaşdırılıb. Qatlanmış formada smartfon 6.52 düym ekrana sahib olur və standart smartfonu xatırladır. Lakin tam açıq formada cihaz 8.01 düym ekrana sahib planşetə çevrilir. Mi Mix Fold-un həm daxili həm də xarici ekranı AMOLED texnologiyası əsasında hazırlanıb. Lakin buna baxmayaraq ekranlar bəzi özəlliklərə görə fərqlənirlər.

“Xiaomi” şirkəti “Black Shark 4” oyun smartfonları seriyasını təqdim edib. Bu haqda “GSM Arena” nəşri yazıb.

Qabaqcıl qurğuların əsas özəlliyi “UFS 3.1” və “SSD” hibrid daşıyıcısının tətbiqidir. Beləliklə, “Black Shark 4” cihazları mobil bazarda ilk dəfə adətən kompüter, oyun konsolları və başqa texnikalarda istifadə edilən sərtgövdəli daşıyıcılarla təchiz edilib. İstehsalçının məlumatına görə, bu adi fləş-yaddaşla müqayisədə məlumatların daşıyıcıdan oxunmasını 69% sürətləndirməyə imkan verir.

Xiaomi şirkəti irimiqyaslı təqdimat tədbiri çərçivəsində yeni Mi 11 Pro, Mi 11 Ultra flaqman smartfonlarını və sadələşdirilmiş Mi 11 Lite smartfonunu təqdim edib. Təqdim olunmuş yeni smartfonlarda şirkət aparıcı kamera texnologiyalarını quraşdıraraq əsas diqqəti foto və video çəkiliş özəlliklərinə ayırıb. Smartfonlar həmçinin sürətli şarj texnologiyasını dəstəkləyirlər və şirkət tarixində ilk dəfə tam sudan qorunma özəlliyinə sahibdirlər. Mi 11 Pro hələ bir neçə müddət bundan öncə təqdim olunmuş adi Mi 11-in təkmilləşdirilmiş versiyasıdır. Smartfon kənarları əyilmiş və 120 Hz-lik təsvir yenilənməsinə sahib 2K keyfiyyətli 6.81 düym E4 AMOLED ekran ilə təchiz olunub. Mi 11 Pro modeli şirkətin Dolby Vision texnologiyasını dəstəkləyən ilk smartfon modelidir.

Bununla yanaşı smartfonun ekranı Gorilla Glass Victus qoruyucu şüşəsi və antibakterial örtük ilə əhatə olunub. 

Qualcomm şirkəti ilk dəfə Poco X3 Pro smartfonunda istifadəyə verilmiş Snapdragon 860 prosessoru barəsində ətraflı məlumat verib. Texniki baxımdan bu yeni prosessor 2019-cu ildə təqdim olunmuş Snapdragon 855-in təkmilləşdirilmiş versiyası qismində çıxış edir və bahalı olmayan orta büdcəli smartfonlar üçün nəzərdə tutulub. Beləliklə Snapdragon 860 modeli 7 nanometrlik texnoloji proses əsasında hazırlanıb və onun mərkəzi prosessoruna 2.96 GHz tezlikdə çalışan 8 ədəd Kryo 485 nüvəsi daxildir. Müqayisə üçün qeyd etmək lazımdır ki, eyni göstəricilərlə Snapdragon 855 prosessoru maksimum 2.84 GHz tezlikdə çalışa bilir.

Google şirkəti Android 12-nin tərtibatçılar üçün nəzərdə tutulmuş ikinci beta versiyasını təqdim edib. Təqdim edilmiş Android 12 Developer Preview 2 versiyasında yeni funksiyalar aşkar edilib. İkinci beta test əməliyyat sisteminə bir əl ilə smartfondan idarə, yenilənmiş sistem interfeysi, redizayn edilmiş vidjetlər kimi bir sıra yeni imkanlar əlavə edib. Əməliyyat sisteminin yeni beta versiyasında picture-in-picture rejiminin imkanları genişləndirilib. Bundan bu sonra bu rejimdə aktiv olan pəncərəni kənara sürüşdürmək, bir toxunuşla videonun idarəedilməsi panelini işə salmaq və pəncərəyə iki dəfə klikləyərək pəncərənin ölçüsünü kiçiltmək və ya böyütmək olar.