IBM şirkəti öz rəqiblərini geridə qoyaraq dünyanın ilk 2 nanometrlik prosessorunu yaratdı. IBM tərəfindən yaradılmş 2 nanometrlik prosessor müasir 7 nanometrlik prosessorlardan 45% daha performanslıdır. Bundan əlavə olaraq yaradılmış 2 nanometrlik prosessor 75% daha az enerji sərfiyyatı özəlliyinə sahibdir. Şirkət 150 kvadrat millimetr ölçüsündə olan çipin üzərində 50 milyard tranzistor yerləşdirə bilib. IBM-in sözlərinə əsasən bu cür yeni nəsil prosessor smartfon batareyalarının istifadə müddətlərini 400% artıra, kompüterlərin və istənilən proqram təminatının çalışmalarını təkmilləşdirə və o cümlədən avtomobillərdəki avtopilot sistemlərinin reaksiyalarını sürətləndirə bilər.

Google şirkəti Chrome brauzerində istifadəçi məlumatlarının təhlükəsizliklərini hardware enforced stack protection texnologiyası vasitəsilə təkmilləşdirib. Beləliklə bundan sonra brauzer hackerlərə Windows-dakı təhlükəsizlik boşluqlarından istifadə imkanını verməyəcək. Lakin qeyd etmək lazımdır ki, bu yeni funksiya Windows 10 2004 və digər Windows 10 versiyaları ilə çalışan 11-ci nəsil Intel və ya AMD Zen 3 Ryzen prosessorlarına sahib kompüterlərdə dəstəklənir. Söhbət, Intel Control-Flow Enforcement Technology (CET) texnologiyasından gedir.

Keçən ilin sentyabr ayında Huawei şirkəti smartfonlarla və digər smart cihazlarla uyğunlaşa bilən HarmonyOS 2.0 əməliyyat sistemini təqdim etmişdi. Bununla belə şirkət bir dəfəlik Android-dən imtina etmək niyyətində deyil və hər dəfə bildirir ki, onun fərdi əməliyyat sistemi Android-i əvəzləmək üçün nəzərdə tutulmayıb. Bu, heç də təəccüblü deyil. Belə ki, HarmonyOS əməliyyat sistemi Android-i xatırladır və hətta onun bir sıra funksiyalarına sahibdir. Həmçinin bu iki əməliyyat sistemi eyni nüvədən ibarətdir.

Kompüter İnsidentlərinə qarşı Mübarizə Mərkəzi zərərvericilərin analizi üçün hazırlanan tətbiqin ilkin beta-versiyasını təqdim edib. 

Verilən məlumata görə, “Microsoft” tərəfindən tətbiqin legitimliyi üçün sertifikat əldə edilib və proqram təminatına inteqrasiya olunub. Hazırda 3 dildə (Azərbaycan, ingilis, rus), 1 milyonluq (məhdudlaşdırılmış) zərərverici imza bazası ilə təchiz olunmuş beta versiyaya, şübhəli faylların analizi üçün onların Mərkəzinin “Malware Lab”ına təqdim olunması və CERT.gov.az informasiya resursunda dərc olunan xəbər və məqalələrin istifadəçilərə xəbərdarlıq kimi göstərilməsi funksiyaları da əlavə olunub.

Digital Chat Station ləqəbli məşhur çinli insayder Huawei şirkətinin HarmonyOS əməliyyat sistemi barəsində yeni məlumatlar verib. Məlumatda qeyd edilib ki, Huawei mövcud olan smartfonlarını HarmonyOS-ə keçirməkdən əlavə olaraq yaxın zamanda təqdim olunacaq yeni məhsullarında öncədən bu əməliyyat sistemini quraşdıracaq. Yəni başqa sözlə desək, Huawei şirkətinin yeni cihazları artıq HarmonyOS-ə sahib şəkildə satışa çıxacaqlar. İnsayder bildirib ki, bu cür addım artıq şirkətin növbəti yeni smartfon modelini əhatə edəcək.