Təqdim edilmiş yeni MacBook Pro modellərinin əsas özəllikləri ondan ibarətdir ki, onlar Apple şirkətinin yeni M1 prosessorları ilə təchiz olunublar. Söhbət, M1 Pro və M1 Max-dan gedir. Sözügedən prosessorlar xüsusi olaraq professional tapşırıqlar üçün nəzərdə tutulublar və bununla yanaşı onlar minimal enerji sərfiyyatı tələb etməklə yüksək performans təqdim edirlər. Beləliklə Apple şirkətinin yeni M1 Pro və M1 Max prosessorları 5 nanometrlik texnoloji proses əsasında hazırlanıblar.

“WhatsApp”ın tezliklə yeni funksiyaları işə düşəcək. Verilən məlumata görə “WhatsApp” yaxın zamanlarda proqram yeniliklərinin sayını artıracaq. Tətbiqə yeni 4 funksiya da əlavə olunacaq:

Bu funksiyalardan ilki, smaylik cavab xüsusiyyətidir. Belə ki, artıq söhbətə smaylik ilə reaksiya verə biləcəksiniz.

“WhatsApp” yeni bir xüsusiyyəti də səsli mesajları mətnə ​​çevirmək olacaq.

Windows 11 əməliyyat sisteminin stabil versiyası rəsmi şəkildə istifadəyə verilib. Windows 11 vasitəsilə çalışan yeni Microsoft Surface kompüterlərinin sabah satışa çıxacaqlarına baxmayaraq şirkət Windows 10 ilə çalışan uyğun kompüterlərdə yeni əməliyyat sisteminə keçid imkanını artıq aktivləşdirib. Əgər siz bir neçə müddət bundan öncə Windows 10 vasitəsilə çalışan kompüter almısınızsa çox güman ki, artıq Windows 11-ə keçid edə bilərsiniz. Qeyd etmək lazımdır ki, Microsoft yeni əməliyyat sisteminin istifadəyə verilməsi prosesini mərhələli şəkildə reallaşdıracaq.

Huawei şirkəti orta səviyyəli iki yeni smartfonunu təqdim edib. Söhbət, Huawei nova 9 və nova 9 Pro modellərindən gedir. Xarici görünüşcə bu smartfonlar oxşardılar. Onlar öz aralarında ekran ölçüsü, kameralar, batareya həcmi və sürətli enerji yığma göstəricisi ilə fərqlənirlər. Beləliklə Huawei nova 9 modeli 120 Hz-lik təsvir yenilənməsinə sahib Full HD+ keyfiyyətli 6.57 düym OLED, Huawei nova 9 Pro modeli isə 120 Hz-lik təsvir yenilənməsinə sahib Full HD+ keyfiyyətli 6.72 düym OLED ekran ilə təchiz olunub. Bununla yanaşı Huawei nova 9-un ekranı üzərində bir ədəd kamera üçün nəzərdə tutulmuş kiçik dairəvi çıxıntı, Huawei nova 9 Pro-nun ekranı üzərində isə 2 ədəd kamera üçün nəzərdə tutulmuş çıxıntı hissə yerləşdirilib.

Microsoft şirkəti qatlana bilən Surface Duo 2 smartfonunu təqdim edib. Şirkət yeni modeldə əvvəlkinin nöqsanlarını aradan qaldırmağa çalışıb. Bununla belə Surface Duo 2 modeli 2 ekranlı dizaynını qoruyub saxlayıb. Bununla yanaşı Microsoft sözügedən smartfonu hal hazırda 5G dəstəkli ən nazik smartfon adlandırıb. Əvvəlki Surface Duo kimi yeni model də 2 ekrana sahibdir. Tam açıq formada ekranlar 90 Hz-lik təsvir yenilənməsinə sahib 8.3 düym ölçüdə olan vahid ekrana çevrilirlər. Smartfonda Glance Bar adlı hissə mövcuddur. Smartfon qatlanmış vəziyyətdə olduğu zaman həmin hissədə müxtəlif məlumatlar əks olunurlar.