İnsayderlərin verdikləri məlumata əsasən Snapdragon 888 prosessorunun Pro versiyası artıq müxtəlif testlərdən keçib və irimiqyaslı istehsal prosesinə keçməyə hazırlaşır. Bununla yanaşı insayderlər bildiriblər ki, Snapdragon 888 Pro prosessoru yalnız Çin istehsalı smartfonlarda quraşdırılacaq. Məlumatda qeyd edilib ki, Qualcomm-un bu yeni prosessoruna sahib smartfonlar bu ilin üçüncü rübündə satışa çıxacaqlar. Snapdragon 888 Pro-nun texniki özəllikləri barəsində məlumat verilməyib. Lakin güman olunur ki, o, adi Snapdragon 888-dən yüksək tezlikdə çalışma özəlliyi ilə fərqlənəcək.

Microsoft şirkəti qrafik interfeysli Linux tətbiqlərinin Windows 10 mühitində işə salınması funksiyasının testinə başlayıb. Sözügedən funksiya Microsoft-un insayder proqramının iştirakçıları üçün artıq aktivdir və heç bir əlavə əməliyyat reallaşdırmadan Linux istifadəçilərinə Windows-da ənənəvi proqram təminatlarından istifadə imkanını verir. WSL alt sisteminin yenilənməsi Linux üçün hazırlanmış istənilən qrafik redaktorları və alətləri işə salmağa şərait yaradır. Bundan əlavə olaraq Microsoft tərtibatçıları GPU-da hardware sürətlənməsi funksiyası ilə mikrofon dəstəyini reallaşdırıblar.

Apple şirkəti dünən yeni məhsullarının təqdimatını keçirtdi. Təqdimat çərçivəsində ən nəzərə çarpan məhsullar isə AirTag axtarış trekeri, yeni iPad Pro planşeti və iMac kompüteri oldu. Gəlin AirTag trekerindən başlayaq. Sözügedən cihaz itmiş əşyaların smartfon vasitəsilə tapılması üçün nəzərdə tutulub. AirTag dairəvi formada dizayna sahibdir və xarici görünüşcə qəpiyi xatırladır. O, Apple U1 prosessoru ilə təchiz olunub.

Öz əməliyyat sisteminin təkmilləşdirilməsi ilə məşğul olan Microsoft şirkəti Windows 10-un növbəti versiyasında bir sıra faydalı funksiyanı aradan qaldırıb. Belə ki, yaxın zamanda istifadəçilər hələ 3 il bundan öncə istifadəyə verilmiş Timeline funksiyasının bir çox imkanından istifadə edə biləyəcəklər. Qeyd etmək lazımdır ki, Windows 10-la çalışan noutbuk və kompüter sahibləri Timeline funksiyası vasitəsilə istənilən vaxt sistemdəki dəyişiklik xronologiyasını, fayllarla çalışmanı və həmçinin əlavə edilmiş yeni sənədləri izləyə bilirlər.

Google Android platformalı Photos tətbiqi üçün yeniləmə edib. Bu yeniləmə xüsusi olaraq videolara yönəlmişdir. Yeni yeniləmə ilə tətbiqə tam 30 yeni video redaktə etmək xüsusiyyəti gətirildi. Adlarının əksinə olaraq videoları saxlaya bilən və indi daha ətraflı tənzimləmə vasitələri təqdim edən tətbiq, insanları daha çox məmnun edir. Yeni funksiya ilə videolar artıq tətbiq daxilində kəsilə, döndürülə və sabitləşdirilə bilər. Eyni zamanda, videodan istənilən bir kadr çıxarıla bilər.