Google Chrome-un test versiyasında Youtube-dan daha çox istifadə edənlər üçün faydalı funksiya reallaşdırılıb. Onun vasitəsilə istifadəçilər digər məşğuliyyətlərindən ayrılmadan Youtube-dakı videonu idarə edə biləcəklər. Hətta əgər Youtube servisi digər qovluqda yerləşsə belə bunu etmək mümkün olacaq. Chrome Canary test versiyasının əsas yeni üstünlüyü ondan ibarətdir ki, o, online videonu idarə etmək funksiyasını özündə birləşdirir. Funksiyanın kompakt interfeysi sürətli şəkildə Youtube-dakı videonu işə salmağa, dayandırmağa, onu qabağa və ya geriyə çevirməyə və ümumiyyətlə videonu dəyişdirməyə imkan verir.

Lenovo şirkəti Lenovo Legion 2 Pro (başqa adı Lenovo Legion Phone Duel 2) gamer smartfonunu təqdim edib. Sözügedən smartfon flaqman texniki özəlliklər ilə yanaşı həmçinin prosessorun soyudulması üçün nəzərdə tutulmuş 2 ədəd pər, oyunlarda rahat idarəetmə sistemi üçün 7 əlavə düymə və canlı yayımların rahat şəkildə keçirilməsi üçün kənar hissəyə inteqrasiya edilmiş ön kamera ilə təchiz olunub.

Xiaomi şirkəti özünün yeni MIUI 12.5 istifadəçi interfeysinin istifadəyə verilmə planları barəsində məlumat verib. Şirkət əsasən yeni istifadəçi interfeysini əldə edəcək smartfonların siyahısını təqdim edib və həmin smartfonların MIUI 12.5-i nə zaman əldə edəcəklərini söyləyib. Xiaomi bildirib ki, bu ay yeni istifadəçi interfeysi əsasən Çin bazarındakı cihazlar üçün istifadəyə veriləcək.

  Görünür, MIUI 12.5-in qlobal versiyası may ayında istifadəçilərə təqdim ediləcək.

Xiaomi şirkəti sonunda öz ilk qatlana bilən smartfon modelini təqdim edib. Təqdim olunmuş smartfon Mi Mix Fold adlanır və adından da göründüyü kimi o, Mi Mix smartfon seriyasına daxil olub. Qatlana biən Mi Mix Fold smartfonu kompakt gövdədə böyük ölçülü ekran, güclü texniki özəlliklər, maye linzaya sahib innovasiyalı kamera və desktop rejimini əldə edib. Mi Mix Fold qatlana bilən smartfonlar arasında hamıya tanış olan dizaynda reallaşdırılıb. Qatlanmış formada smartfon 6.52 düym ekrana sahib olur və standart smartfonu xatırladır. Lakin tam açıq formada cihaz 8.01 düym ekrana sahib planşetə çevrilir. Mi Mix Fold-un həm daxili həm də xarici ekranı AMOLED texnologiyası əsasında hazırlanıb. Lakin buna baxmayaraq ekranlar bəzi özəlliklərə görə fərqlənirlər.

“Xiaomi” şirkəti “Black Shark 4” oyun smartfonları seriyasını təqdim edib. Bu haqda “GSM Arena” nəşri yazıb.

Qabaqcıl qurğuların əsas özəlliyi “UFS 3.1” və “SSD” hibrid daşıyıcısının tətbiqidir. Beləliklə, “Black Shark 4” cihazları mobil bazarda ilk dəfə adətən kompüter, oyun konsolları və başqa texnikalarda istifadə edilən sərtgövdəli daşıyıcılarla təchiz edilib. İstehsalçının məlumatına görə, bu adi fləş-yaddaşla müqayisədə məlumatların daşıyıcıdan oxunmasını 69% sürətləndirməyə imkan verir.