Microsoft şirkəti jailbreak prosesindən keçmiş iOS cihazları təyin etmək imkanını özünün Defender antivirus sisteminə daxil edib. Qeyd etmək lazımdır ki, söhbət, Microsoft Defender for Endpoint-dən gedir. Bu isə Windows 10-dakı Defender antivirusunun korporativ versiyasıdır. Bundan sonra təşkilatlarda və ya şirkətlərdə çalışan təhlükəsizlik işçiləri jailbreak edilmiş iPhone və iPad cihazları barəsində bildirişi Defender vasitəsilə əldə edə biləcəklər. “Əgər jailbreak prosesindən keçmiş hər hansı bir cihaz aşkar edilərsə, Microsoft 365 Defender təhlükəsizlik komandası bu barədə bildiriş əldə edəcək.

Digital Chat Station ləqəbli məşhur çinli insayder Xiaomi-nin yeni qatlana bilən smartfonu barəsində hesabat təqdim edib. Həmin hesabatda insayder smartfonun nə zaman təqdim olunacağını və hansı texniki özəlliklərə sahib olacağını açıqlayıb. Beləliklə insayderin təqdim etmiş olduğu məlumata əsasən Xiaomi-nin hələ anons olunmamış yeni qatlana bilən smartfonu Mi Mix Fold-dan təkmilləşdirilmiş şarnir konstruksiyası ilə fərqlənəcək. Belə ki, yeni qatlana bilən smartfon üçün şarnir konstruksiyası tamamilə yeni texnologiya vasitəsilə hazırlanacaq.

24 iyun tarixində Microsoft şirkəti Windows ilə bağlı böyük təqdimat tədbiri keçirdəcək. Bir çox məlumatlara əsasən həmin təqdimat tədbiri çərçivəsində şirkət Windows 11 əməliyyat sistemini təqdim edəcək. İndi isə insayderlər yeni əməliyyat sisteminin genişləndiriləcək imkanlarından xəbər veriblər. Verilmiş yeni məlumatda qeyd edilib ki, Windows 11-in daxilində fərdi Android emulyatoru olacaq. Məlumatı vermiş şəxslər bildiriblər ki, Microsoft özü buna işarə edib. Sözügedən yeni funksiya barəsində məlumat Windows-un Linux tətbiqlərini işə salmaq üçün nəzərdə tutulmuş alt sisteminin son versiyasında aşkar edilib.

Tərtibatçılar üçün nəzərdə tutulmuş WWDC 2021 konfransı çərçivəsində Apple şirkəti iOS 15 əməliyyat sistemini təqdim edib. iOS-in yeni versiyasında Apple ilk öncə servislər ilə tətbiqlərə diqqət ayırıb. Əməliyyat sisteminin özündə isə istifadəçilərin gözlədikləri kimi o qədər də çox dəyişiklik yoxdur. Beləliklə şirkət iOS 15-də FaceTime tətbiqini ciddi şəkildə yeniləyib. Qrup videozəngləri zamanı danışan şəxs müvafiq animasiya ilə işarələnir və onun səsi smartfon ekranında əks olunduğu tərəfdən gəlir. Bundan əlavə olaraq tətbiqə ətraf səs-küyün boğulması və portret rejimi kimi funksiyalar əlavə olunub. Bundan sonra FaceTime üzərindən yaradılmış videokonfranslara linkləri istənilən rahat yol ilə göndərmək olar.

Kibertəhlükəsizlik sahəsində fəaliyyət göstərən Hector Martin adlı tədqiqatçı Apple şirkətinin M1 adlı prosessorunda sistem boşluğu aşkar edib. Qeyd etmək lazımdır ki, şirkətin son Mac kompüter modelləri məhz bu prosessor ilə təchiz olunurlar. Beləliklə kibertəhlükəsizlik üzrə mütəxəssis aşkar edib ki, prosessorun konstruksiyasında olan qüsur kompüterdə paralel olaraq iki tətbiqi işə salmağa və həmin tətbiqlər arasında məlumat mübadiləsi aparmağa imkan verir. Sistem idarəsi altında çalışan istənilən iki tətbiq yaddaşdan, fayllardan və əməliyyat sisteminin digər özəlliklərindən istifadə etmədən öz aralarında məlumat mübadiləsini reallaşdıra bilir.