Növbəti dünyanın ən böyük aviasiya, kosmos və texnologiyalar festivalı "Teknofest" mayın 26-29-da Azərbaycanda keçiriləcək.

Bununla əlaqədar festival çərçivəsində "Texnoloji müsabiqələrə" qeydiyyat başlayıb. Müsabiqlərə həmçinin beynəlxalq iştirakçılara da açıq olacaq.

Hər bir müsabiqə üçün son müraciət tarixləri fərqlidir. Müsabiqələr üzrə ətraflı məlumatı www.teknofest.az saytından əldə etmək olar.

Dünyanın ən çox istifadə edilən sosial şəbəkələrindən olan “Facebook” və “WhatsApp”a qarşı kiber hücumların artdığı açıqlanıb. 

“Meta” şirkəti açıqlamasında hər iki şəbəkə istifadəçilərinin parollarını dəyişdirməli olduğunu bildirib. 

Şirkət bu hücumlara qarşı həssas olduğunu, həmin hakerləri məhkəməyə verdiyini də qeyd edib. 

“WhatsApp” səsli mesajlara qulaq asmağı daha da rahatlaşdırıb.

Artıq onları yazışmanın içərində olmadan da dinləmək mümkündür.

Yeni söhbət və ya messengerin əsas ekranına keçdiyiniz zaman səsli mesaj playeri proqramın yuxarı hissəsində görünür.

Burada həmçinin oxutmanı dayandırmaq və başlamaq üçün düymələrdən istifadə etmək, eləcə də səsli mesajın müddət göstəricilərini izləmək olar.

AMEA-nın İnformasiya Texnologiyaları İnstitutunda superkompüter texnologiyalarında istifadə edilən proqram təminatları müqayisəli təhlil edilib. İnstitutdan bildirilib ki, tədqiqat çərçivəsində proqram və tətbiqi proqramlaşdırma interfeysləri kimi superkompüter arxitekturası növlərinin təsnifatı aparılıb. Tədqiqat zamanı, həmçinin superkompüter texnologiyalarından istifadənin son ili ərzində əməliyyat sisteminin paylanması dinamikasının öyrənilməsində proqram təminatı müqayisəli təhlil edilib. “Linux”, “Cray Linux Environment”, “CentOS”, “SUSE Linux” “Enterprise Server”, “Unicos” və digər sistemlər nəzərdən keçirilib.

Son zamanlarda internetdə Apple şirkətinin qarışıq reallıq (AR + VR) cihazı barəsində daha çox məlumat ortaya çımağa başlayıb. Məşhur analitik Ming-Chi Kuo tərəfindən verilmiş yeni məlumata əsasən Apple şirkətinin qarışıq reallıq cihazı şarj prosesi üçün 96 vatt gücündə olan adapterdən istifadə edəcək. Qeyd etmək lazımdır ki, 14 düym ekrana sahib olan aktual MacBook Pro modeli də bu cür adapter vasitəsilə şarj olunur. Qarışıq reallıq cihazının bu cür güclü şarj adapterindən istifadə edəcəyini analitikin əvvəlki fikirləri də sübut edirlər.