Twitter istifadəçiləri sosial şəbəkənin bir özəlliyi ucbatından dəfələrlə xoşagəlməz vəziyyətlərə düşüblər. Lakin yaxın zamanda bu vəziyyət dəyişəcək. Elon Musk özü bu barədə məlumat verib. Hal hazırda Twitter istifadəçinin tweet-i hansı növ cihazdan paylaşdığını əks etdirir. Məsələn əgər tweet iPhone üzərindən paylaşılırsa, həmin tweet-in yanında “Twitter for iPhone” yazısı əks olunur. Sosial şəbəkədə olan bu özəllik səbəbilə Android smartfon istehsalçıları ilə əməkdaşlıq edən brendlər və ayrı-ayrı şəxslər dəfələrlə əslində iPhone istifadəsi məsələsində yaxalanıblar. Məsələn 2018-ci ildə Samsung-un rəsmi Twitter hesabı vasitəsilə reklam postu paylaşılmışdı və paylaşılmış postun yanında “Twitter for iPhone” yazısı əks olunmuşdu.

“WhatsApp” onlayn mesajlaşma platforması yeni funksiyanı təqdim etməyi planlaşdırır.

Yeni funksiya artıq bəzi mübahisələrə səbəb olub. Belə ki, yeniliyə əsasən, edilən  əməliyyatı geri qaytarmaq mümkün olacaq.

Yaxınlarda məlum olmuşdu ki, platforma “mesajların redaktəsi” funksiyası üzərində işləyir.

Bundan əlavə, mesajlaşma proqramında, hər kəsin bildiyi kimi, mesajları silmək funksiyası var. Bu funksiya “Hər kəs üçün sil” və ya “Mənim üçün sil” seçimlərindən ibarət olmaqla mesajları müəyyən müddət ərzində silməyə imkan verir.

Adətən Google Play daxilində bütün alış-verişlərin ödənişi Google şirkətinin fərdi ödəniş sistemi üzərindən reallaşdırılır. Buna görə də tətbiq tərtibatçıları Google şirkətinə komissiya ödəməli olurlar. Yaxın zamanda isə bu vəziyyət dəyişəcək. Belə ki, şirkət Google Play-də alternativ ödəniş üsullarının testinə start verib. Start verilmiş testin ilk iştirakçıları Spotify və Bumble servisləri olublar.

Google şirkətinin ödəniş sistemi üzərindən ödəniş edən zaman komissiya 15%-dən 30%-ə kimi təşkil edir.

Sivilizasiyanın inkişaf variantlarını hesablayan World One adlı superkompüter insan sivilizasiyasının məhv olacağı ili təyin edib. Hesablamalar üçün nəzərdə tutulmuş sözügedən superkompüter hələ 1970-ci illərdə Roma klubu adlı beynəlxalq ictimai təşkilatın sifarişi ilə hazırlanıb. Sözügedən təşkilat özündə dünyanın siyasi, maliyyə, incəsənət və elm elitasını birləşdirir. Beləliklə World One superkompüterinin hesablamasına əsasən müasir sivilizasiyanın tənəzzülü 2050-ci ildə baş verəcək.

MediaTek şirkəti Dimensity 9200 adlı yeni flaqman prosessorunu təqdim edib. Təqdim edilmiş yeni prosessor Wi-Fi 7, LPDDR5X standartlarının və hardware səviyyəsində ray tracing texnologiyasının dəstəklərini əldə edib. Dimensity 9000-dən fərqli olaraq isə yeni prosessor performans ilə enerji effektivliyi baxımından nəzərə çarpacaq göstəricilər sərgiləyir. Dimensity 9200 prosessoru bazarda ARMv9 Gen 2 arxitekturası əsasında hazırlanmış ilk mobil prosessordur. Sözügedən prosessor özündə 3.05 GHz tezlikdə çalışan 1 ədəd Cortex-X3 super nüvəsini, 2.85 GHz tezlikdə çalışan 3 ədəd yüksək performanslı Cortex-A715 nüvəsini və 1.8 GHz tezlikdə çalışan 4 ədəd Cortex-A510 nüvəsini birləşdirir.