NVIDIA və Microsoft şirkətləri birgə şəkildə bulud superkompüterinin yaradılması layihəsini elan ediblər. Yaradılacaq bulud superkompüteri süni zəka alqoritmləri ilə çalışmaq üçün nəzərdə tutulacaq. Sözügedən layihənin reallaşdırılması üçün şirkətlər öz aparıcı texnologiyalarından istifadə edəcəklər. Şirkətlər arasında olacaq uzunmüddətli əməkdaşlıq çərçivəsində Microsoft Azure bulud platformasından, NVIDIA-nın A100 və H100 qrafik prosessorları əsasında olan hesablama sürətləndiricilərindən, NVIDIA AI Enterprise proqram təminatı platformasından və Quantum-2 InfiniBand adlı şəbəkə sviçlərindən istifadə ediləcək.

   Whatsapp tərtibatçıları messencer daxilində alıcılar ilə şirkətlər arasındakı əlaqəni sadələşdirmək üçün nəzərdə tutulmuş yeni funksiyanı anons ediblər. Faktiki olaraq messencer inteqrasiya edilmiş biznes kataloqu əldə edəcək. Bu isə öz növbəsində sahibkarlara öz xidmətlərinin reallaşdırılması üzrə yeni üsulları təqdim edəcək. Business Finder adlı yeni funksiya Whatsapp daxilində şirkətləri adlar və kateqoriyalar üzrə axtarmağa imkan verəcək. Kateqoriyalara misal olaraq turizm, geyim, qida, bank xidmətləri və s. gətirmək olar. Business Finder funksiyası vasitəsilə lazımi şirkəti tapandan sonra onunla sürətli şəkildə əlaqə yaratmaq və ya tapılmış şirkətin məhsulları ilə xidmətlərindən yararlanmaq olar.

NordPass servisi hər il istifadəçilər tərəfindən ən çox istifadə edilən şifrələrin antireytinqini təqdim edir. Bu il də istisna olmayıb. Servis tərəfindən tərtib olunan antireytinq özündə həmçinin hackerlərin həmin şifrələri hack etmək üçün sərf etdikləri zamanı da birləşdirir. Məlumatda qeyd edilib ki, reytinqdə əks olunan zaman göstəriciləri nisbidir və müxtəlif faktorlardan asılıdır. Beləliklə bu il istifadəçilər tərəfindən ən çox istifadə edilən şifrələr siyahısında birinci yeri “password” tutub.

    Məlumata əsasən hacker sözügedən şifrəni ortalama olaraq 1 saniyəyə hack edir.

Amerikalı tələbələr 16 ədəd NVIDIA Jetson Nano kompüteri əsasında kompkat ölçülü superkompüter yaradıblar. Tələbələrin əsas tapşırıqları süni zəka ilə çalışmaq üçün nəzərdə tutulmuş hesablama klasterinin yığılması prosesində tədris materialının mənimsənilməsi olub. Sözügedən layihənin reallaşdırılması üçün tələbələr kompakt ölçülü bir platalı NIVIDA Jetson kompüterindən istifadə ediblər. NVIDIA Jetson Nano 4 nüvəli ARM prosessordan (Cortex-A57), 128 nüvəli GPU-dan və 4 GB həcmində ümumi yaddaşdan ibarətdir.

Nəticədə hazırlanmış kompakt ölçülü superkompüter 16 ədəd NVIDIA Jetson Nano-dan ibarət olub. Həmin cihazlar adi stolüstü kompüter keysinin ölçüsündə olan kastom (castom) keysin daxilinə yerləşdirilib.

    Whatsapp tərtibatçıları messencerə bir sıra faydalı funksiyanı əlavə etməyə hazırlaşırlar. Birinci yenilik Companion Mode rejimi adlanır. Bu rejim artıq messencerin beta versiyasında test edilir. Companion Mode rejimi messenceri eyni anda bir neçə smartfonda istifadə imkanını verəcək. Bu rejim çərçivəsində istifadəçinin əlavə smartfonları messencerə qoşması halında messencerdəki bütün çat tarixçələri digər smartfonlarda avtomatik olaraq sinxronlaşdırılacaq. Yəni çatlar bütün smartfonlarda görünəcək. Companion Mode rejimindən əlavə olaraq Whatsapp-ın 2.22.24.18 nömrəli beta versiyasında messencerin Android planşetlərdə dəstəklənməsi səhifəsi aşkar edilib. Messencerin Android planşetlərdə dəstəklənməsi yaxın zamanda reallaşdırılmalıdır.