Elektriklə çalışan avtomobillərin istehsalı ilə məşğul olan Amerikanın “Tesla” kompaniyası sentyabrın 30-da “Optimus” adlı insanabənzər robotunu təqdim edəcək.

ABŞ mediası yazır ki, bu barədə “Tesla” kompaniyasının qurucusu İlon Mask özünün tviter səhifəsində yazıb. “Tesla” kompaniyasının süni intellekt günü sentyabrın 30-u tarixinə keçirilib. O vaxta qədər “Optimus” adlı prototipimiz hazır ola bilər”, - deyə İlon Mask bildirib.

Avropada elektrotexnika üçün vahid adapter tətbiq edilir

Avropa İttifaqına üzv ölkələr və Avropa Parlamenti bütün kiçik və orta ölçülü elektron avadanlıqlar üçün vahid adapter tətbiqi ilə bağlı razılığa gəlib.

Qaydaya görə bütün rəqəmli fotokameralar, mobil telefonlar, planşetlər, qulaqcıqlar və oyun konsolları C tipli USB ilə təchiz edilməlidir. İstehsalçılara yeni qaydaya uyğunlaşmaq üçün 2024-cü ilin payızınadək vaxt verilib. Noutbuk istehsalçıları üçün müddət daha çox – 40 ay müəyyən edilib.

“TEKNOFEST” Aerokosmik və Texnologiya Festivalı Türkiyənin Sənaye və Texnologiya Nazirliyi və Selçuk Bayraktarın rəhbərlik etdiyi “Türkiye Teknoloji Takımı” – T3 Vəqfinin təşkilatçılığı ilə 2018-ci ildən etibarən hər il keçirilir (indiyədək 4 dəfə təşkil olunub). Türkiyədən kənarda ilk “TEKNOFEST” 2022-ci il mayın 26-29-da Azərbaycanda, Bakı Kristal Zalı və ətrafındakı Dənizkənarı Bulvar ərazisində keçiriləcək.

“TEKNOFEST Azərbaycan” festivalının təşkilatçıları Rəqəmsal İnkişaf və Nəqliyyat Nazirliyi, Türkiyənin Sənaye və Texnologiya Nazirliyi və “Türkiye Teknoloji Takımı” – T3 Vəqfidir.

    Microsoft şirkəti Windows 11 yenilənməsinin qlobal şəkildə işə salındığını elan edib. Beləliklə bütün Windows 10 istifadəçiləri məlumatların itirilməsi halını yaşamadan və faylların ehtiyat versiyalarını yaratmadan öz cihazlarını Windows 11-ə kimi yeniləyə bilərlər. Təbii ki, onların kompüterləri Windows 11-in sistem tələblərini dəstəkləməlidirlər. Windows 11 yenilənməsinin qlobal şəkildə istifadəyə verilməsi dedikdə əməliyyat sisteminin yenilənmələr mərkəzi üzərindən yenilənməsi nəzərdə tutulur. Qeyd etmək lazımdır ki, sözügedən imkan daha öncə bütün Windows istifadəçiləri üçün aktiv deyildi.

    Bəzən uzun xronometrajlı hansısa videonu izləmək üçün yetəri qədər zaman olmur. Bundan əlavə olaraq bu cür videolarda lazımi kontentin axtarılıb tapılması prosesi də istifadəçini çox zaman qıcıqlandırır. Youtube tərtibatçıları bu problemi həll etmək qərarına gəliblər. Belə ki, Youtube tərtibatçılarının hazırladıqları yeni funksiya öz növbəsində bu və ya digər videonun istifadəçilər tərəfindən ən çox izlənilmiş hissələrini öncədən ayıracaq və onları qeyd edəcək. Beləliklə istifadəçilər hər hansısa videoda bir çox istifadəçini maraqlandıran hissə ilə tanış ola biləcəklər. Bunun nəticəsində bu və ya digər istifadəçinin də video daxilində axtardığı eyni kontenti tapmaq prosesi sadələşdiriləcək.