2018-ci ildə “Qualcomm” şirkəti “3D Sonic Sensor” adlı birinci nəsil barmaq izi skanı texnologiyasını təqdim etmişdi. Bu texnologiya barmaq izinin skanı üçün ultrasəs üsulundan istifadə edir. Həmin vaxtdan şirkət mühəndisləri sözügedən texnologiyanı təkmilləşdiriblər. 

Xəbər verilir ki, təqdim olunmuş yeni barmaq izi texnologiyası iki dəfə daha sürətlə çalışır. Beləliklə ekrana inteqrasiya olunan “3D Sonic Sensor Gen 2” adlı yeni barmaq izi skanı texnologiyası smartfon ekranının 77%-ni əhatə edir.

Növbəti dünyanın ən böyük aviasiya, kosmos və texnologiyalar festivalı "Teknofest" mayın 26-29-da Azərbaycanda keçiriləcək.

Bununla əlaqədar festival çərçivəsində "Texnoloji müsabiqələrə" qeydiyyat başlayıb. Müsabiqlərə həmçinin beynəlxalq iştirakçılara da açıq olacaq.

Hər bir müsabiqə üçün son müraciət tarixləri fərqlidir. Müsabiqələr üzrə ətraflı məlumatı www.teknofest.az saytından əldə etmək olar.

Dünyanın ən çox istifadə edilən sosial şəbəkələrindən olan “Facebook” və “WhatsApp”a qarşı kiber hücumların artdığı açıqlanıb. 

“Meta” şirkəti açıqlamasında hər iki şəbəkə istifadəçilərinin parollarını dəyişdirməli olduğunu bildirib. 

Şirkət bu hücumlara qarşı həssas olduğunu, həmin hakerləri məhkəməyə verdiyini də qeyd edib. 

“WhatsApp” səsli mesajlara qulaq asmağı daha da rahatlaşdırıb.

Artıq onları yazışmanın içərində olmadan da dinləmək mümkündür.

Yeni söhbət və ya messengerin əsas ekranına keçdiyiniz zaman səsli mesaj playeri proqramın yuxarı hissəsində görünür.

Burada həmçinin oxutmanı dayandırmaq və başlamaq üçün düymələrdən istifadə etmək, eləcə də səsli mesajın müddət göstəricilərini izləmək olar.

AMEA-nın İnformasiya Texnologiyaları İnstitutunda superkompüter texnologiyalarında istifadə edilən proqram təminatları müqayisəli təhlil edilib. İnstitutdan bildirilib ki, tədqiqat çərçivəsində proqram və tətbiqi proqramlaşdırma interfeysləri kimi superkompüter arxitekturası növlərinin təsnifatı aparılıb. Tədqiqat zamanı, həmçinin superkompüter texnologiyalarından istifadənin son ili ərzində əməliyyat sisteminin paylanması dinamikasının öyrənilməsində proqram təminatı müqayisəli təhlil edilib. “Linux”, “Cray Linux Environment”, “CentOS”, “SUSE Linux” “Enterprise Server”, “Unicos” və digər sistemlər nəzərdən keçirilib.