Görünür, Microsoft şirkəti kompüter satışlarının aşağı düşdüyü və professional şəxslərin öz fəaliyyətlərini bulud sistemlərə keçirtdikləri bir vaxtda Windows-dan olan gəlirləri qoruyub saxlamağın üsulunu tapıb. Belə ki, şirkət baha qiymətə satılmayan bulud kompüterlərini satışa çıxarda bilər. Onlar isə öz növbələrində abunəlik və reklam hesabına şirkətə gəlir gətirəcəklər. Microsoft-un bu cür yeni strategiyasının işə düşəcəyinə şirkət daxilində ortaya çıxmış vakansiyalar işarə edirlər. Sentyabr ayında Microsoft şirkəti Windows Incubation adlı yeni yaradılmış şöbəyə mühəndislər ilə digər mütəxəssislərin axtarışında idi. Sözügedən şöbənin əsas məqsədi bulud sistemlər və texnologiyalar sahəsində Windows-un yeni istiqamətini yaratmaqdır.

 Meta şirkəti özünün Whatsapp messenceri üçün böyük yenilənməni təqdim edib. Təqdim edilmiş böyük yenilinmədə tərtibatçılar Communities funksiyasını hamı üçün aktiv ediblər və videozənglər funksiyasının imkanlarını genişləndiriblər. Hamı üçün istifadəyə verilmiş Communities funksiyası bir növ Slack messencerini və ya Discord-u xatırladır. Bu yeni funksiya sayəsində istifadəçilər Whatsapp daxilində bir növ icmalar (communities) yarada bilərlər. Həmin icmalar isə özlərində bir neçə qrupları birləşdirə bilərlər. Messencerin tərtibatçıları əmindirlər ki, sözügedən yeni funksiya məktəb təşkilatları və hansısa şirkətin əməkdaşları üçün faydalı olacaq. Belə ki, şirkət əməkdaşları icmalar daxilində bir-biriləri ilə iş barəsində əlaqə yarada bilərlər.

Danimarkadan və İsveçdən olan alimlər dünyada ilk dəfə rəqəmsal məlumatların ötürülməsi çərçivəsində saniyədə 1 Pbit-dən (petabit) daha yuxarı ötürülmə sürətini əldə ediblər. Belə ki, alimlər tərəfindən məlumatların ötürülməsi zamanı saniyədə 1.84 Pbit (saniyədə 1.8 milyon Gbit) sürət əldə edilib. Bu isə dünyanın bütün internet trafikini 2 dəfə üstələyir. Bununla belə sözügedən təcrübə çərçivəisndə alimlər optik lazerdən və optik çipdən istifadə ediblər. Adi istifadəçinin evindəki internet sürəti saniyədə bir neçə yüz Mbit təşkil edir. Bəzi hallarda isə bu göstərici saniyədə 1 Gbit-dir. Hər halda bu, saniyədə 1 Pbit sürətdən milyonlarla dəfə aşağıdır.

Google şirkəti Windows 7 və Windows 8.1 əməliyyat sistemləri üçün Chrome brauzerinin final versiyasını gələn ilin əvvəlində istifadəyə verməyi planlaşdırır. Söhbət, Chrome 110 versiyasından gedir. Onun 7 fevral 2023-cü il tarixində istifadəyə veriləcəyi güman edilir. Beləliklə Chrome 110 versiyası Windows 7 və Windows 8.1 əməliyyat sistemləri üçün təqdim olunacaq son versiya olacaq. Ondan sonra Google öz brauzerinin sözügedən əməliyyat sistemlərində dəstəyini dayandıracaq. Problem ilk baxışdan göründüyündən daha ciddidir. 2009-cu ildə istifadəyə verilməsinə və 2020-ci ildə dəstəyinin dayandırılmasına baxmayaraq Windows 7 hələ də çoxlu sayda cihazda çalışmağa davam edir.

Chrome tərtibatçıları brauzerə yeni funksiyalar əlavə etməklə onu təkmilləşdirməyə davam edirlər. Bu dəfə brauzer aktiv olmayan qovluqların dayandırılması və sistem resurslarının digər tətbiqlər üçün azad edilməsi funksiyalarını əldə edib. Reddit istifadəçilərindən biri Chrome Canary-nin son versiyasındakı ayarlarında “Performance” (chrome://settings/performance) adlı yeni bölmə aşkar edib. Sözügedən bölmədə yaddaşa və enerji sərfiyyatına qənaət rejimləri mövcuddur. Yaddaşa qənaət rejimi istifadəçi tərəfindən müəyyən müddət ərzində istifadə edilməyən qovluqları qeyri-aktiv vəziyyətə salaraq RAM yaddaşını azad edir.