“TEKNOFEST” Aerokosmik və Texnologiya Festivalı Türkiyənin Sənaye və Texnologiya Nazirliyi və Selçuk Bayraktarın rəhbərlik etdiyi “Türkiye Teknoloji Takımı” – T3 Vəqfinin təşkilatçılığı ilə 2018-ci ildən etibarən hər il keçirilir (indiyədək 4 dəfə təşkil olunub). Türkiyədən kənarda ilk “TEKNOFEST” 2022-ci il mayın 26-29-da Azərbaycanda, Bakı Kristal Zalı və ətrafındakı Dənizkənarı Bulvar ərazisində keçiriləcək.

“TEKNOFEST Azərbaycan” festivalının təşkilatçıları Rəqəmsal İnkişaf və Nəqliyyat Nazirliyi, Türkiyənin Sənaye və Texnologiya Nazirliyi və “Türkiye Teknoloji Takımı” – T3 Vəqfidir.

    Microsoft şirkəti Windows 11 yenilənməsinin qlobal şəkildə işə salındığını elan edib. Beləliklə bütün Windows 10 istifadəçiləri məlumatların itirilməsi halını yaşamadan və faylların ehtiyat versiyalarını yaratmadan öz cihazlarını Windows 11-ə kimi yeniləyə bilərlər. Təbii ki, onların kompüterləri Windows 11-in sistem tələblərini dəstəkləməlidirlər. Windows 11 yenilənməsinin qlobal şəkildə istifadəyə verilməsi dedikdə əməliyyat sisteminin yenilənmələr mərkəzi üzərindən yenilənməsi nəzərdə tutulur. Qeyd etmək lazımdır ki, sözügedən imkan daha öncə bütün Windows istifadəçiləri üçün aktiv deyildi.

    Bəzən uzun xronometrajlı hansısa videonu izləmək üçün yetəri qədər zaman olmur. Bundan əlavə olaraq bu cür videolarda lazımi kontentin axtarılıb tapılması prosesi də istifadəçini çox zaman qıcıqlandırır. Youtube tərtibatçıları bu problemi həll etmək qərarına gəliblər. Belə ki, Youtube tərtibatçılarının hazırladıqları yeni funksiya öz növbəsində bu və ya digər videonun istifadəçilər tərəfindən ən çox izlənilmiş hissələrini öncədən ayıracaq və onları qeyd edəcək. Beləliklə istifadəçilər hər hansısa videoda bir çox istifadəçini maraqlandıran hissə ilə tanış ola biləcəklər. Bunun nəticəsində bu və ya digər istifadəçinin də video daxilində axtardığı eyni kontenti tapmaq prosesi sadələşdiriləcək.

"WhatsApp" tərtibatçı komandası özündə "Status" ların yaradılması menyusunda bəzi qrafik dəyişiklikləri ehtiva edən yeniləmə buraxıb.

 Proqramın 2.22.11.13 nömrəli son versiyasında “Statuslar” dərc edilərkən smayliklər, mətn, şrift və mətn fonunun əlavə edilməsi düymələri ekranın yuxarı sağ küncünə köçürülüb. Daha əvvəl bu bu funksiyalar aşağı sol küncdə yerləşdirilirdi.

   Microsoft öz yeni əməliyyat sistemi olan Windows 11-ə tədricən müəyyən məhdudiyyətləri əlavə edir. Məlumata əsasən payız fəslində sözügedən əməliyyat sistemi üçün təqdim ediləcək böyük yenilənmədən sonra Windows 11-in istifadəsi üçün mütləq şəkildə Microsoft istifadəçi hesabına sahib olmaq lazım gələcək. Məlumatda qeyd edilib ki, bu ilin oktyabr ayında Windows 11 22H2 yenilənməsinin istifadəyə verilməsi gözlənilir və sözügedən yenilənmənin quraşdırılması zamanı istifadəçidən mütləq şəkildə Microsoft hesabı vasitəsilə autentifikasiyadan keçmək tələb olunacaq.