Keçən həftə yeni MacBook modelləri ilə birlikdə təqdim edilmiş M1 adlı mobil ARM prosessor öz performans göstəriciləri ilə hətta Apple rəhbərliyini də təəccübləndirib. Bir neçə müddət sonra isə internetdə M1 prosessoruna inteqrasiya edilmiş qrafikanın test nəticələri ortaya çıxıb. Həmin nəticələr Nvidia və AMD şirkətlərinin desktop qrafik çiplərinin nəticələri ilə müqayisə edilib.

Daha öncədən internetdə Apple şirkətinin qatlana bilən iPhone modeli üzərində çalışdığı barəsində məlumatlar ortaya çıxmışdı. İndi isə həmin smartfon barəsində yeni təfərrüatlar verilib. Şirkət qatlana bilən iPhone modelini 2022-ci ildə satışa çıxartmağı planlaşdırır. Məlumata əsasən şirkətin yeni məhsulu iPhone ilə iPad mini-ni xatırladacaq bir cihaz olacaq. Buna görə də Apple şirkətinin iPad mini modelini ümumiyyətlə satışdan çıxardacağı gözlənilir.

Əvvəlcədən də planlaşdırıldığı kimi Samsung şirkəti Çində Exynos 1080 mobil prosessorunun təqdimatını keçirdib. Təqdim edilmiş yeni prosessor 5 nanometrlik texnoloji proses əsasında hazırlanıb və özündə ARM-dən olan ən yeni nüvələr ilə qrafikanı birləşdirir. Lakin ən maraqlı fakt ondan ibarətdir ki, Exynos 1080 prosessoru orta səviyyəli prosessor qismində çıxış edir. Exynos 1080-in tərkibinə 2.8 GHz tezlikdə çalışan 4 ədəd Cortex-A78 nüvəsinə, 4 ədəd Cortex-A55 nüvəsinə və 10 nüvəli Mali-G78 qrafik çipinə sahib mərkəzi prosessor daxildir.

Dünən Apple şirkəti M1 adlı ilk ARM prosessoru ilə yanaşı həmçinin yeni MacBook Air-i, MacBook Pro-nu və Mac Mini-ni təqdim edib. İlk öncə MacBook Air modelindən başlayaq. Şirkətin verdiyi məlumata əsasən yeni MacBook Air modeli Intel prosessorlarına sahib əvvəlki MacBook Air modellərindən 3.5 dəfə daha sürətli çalışır. Bununla yanaşı yeni MacBook Air-in çalışma müddəti də yaxşılaşdırılıb.

Apple şirkəti dünən keçirmiş olduğu təqdimat tədbiri çərçivəsində Mac kompüterlərinin tarixində yeni dövrə start verdi. Belə ki, şirkət öz noutbukları üçün nəzərdə tutulmuş ilk fərdi ARM prosessoru təqdim edib. Təqdim olunmuş yeni prosessor iPhone və iPad üçün istehsal olunan prosessorların prinsipi əsasında hazırlanıb. Şirkətin verdiyi məlumata əsasən Apple M1 prosessoru öz sinifində ən güclü prosessordur.