“Samsung” şirkəti qabaqcıl “Galaxy Tab S7” planşetinin beşinci nəsil mobil rabitə şəbəkəsini dəstəkləyən versiyasını təqdim edib. Qurğu sentyabrın 18-dən etibarən 850 dollara satışa çıxarılacaq. “Galaxy Tab S7+” planşetinin “5G” versiyasının qiyməti isə 1050 dollar təşkil edəcək.

 Planşetlər “5G” dəstəyindən başqa əvvəllər buraxılan versiyalardan fərqlənmir. “Samsung Galaxy Tab S7” planşeti 2560 х 1600 piksel təsvir ölçülü 11 düym diaqonallı “IPS” ekranla təchiz edilib.

LG Electronics, yeni Explorer Project layihəsinə həsr olunmuş tədbiri elan edərək press-reliz yayımladı. Tədbir 14 sentyabr Bakı vaxtı ilə 12: 00-da baş tutacaq.

Explorer Layihəsi, "unikal və indiyə qədər kəşf olunmayan istifadə səviyyəsini" təmin edən cihazları əhatə edəcək. Tizer videosunda ikinci ekranın arxasında dayanan əsas ekranı dönən bir cihaz göstərilir.  

Bənzər prinsip, LG Wing adlı smartfonla əlaqəli sızmalarda nümayiş olundu: konseptin videosu avqustun sonunda yayımlanmışdı.

“Lenovo” dünyada RTX videokartı ilə təchiz edilmiş ən yüngül oyun noutbukunu təqdim edib.

“Legion Slim 7i” adlandırılmış noutbukun ekranının diaqonalı 15,6 düym təşkil edir. Ekranın yeniləmə tezliyi 144 Hs-dir, ümumilikdə kompüter 60 Hs-dən başlayaraq üç rejimdə işləyə bilər. Korpusun qalınlığı 18 mm-ə bərabərdir, bu halda ona “NVIDIA GeForce RTX 2060 Max Q” videokartı əlavə edilib.

Samsung şirkəti istehsal etdiyi çiplər və SSD-lər ilə ekosistemdə öz fərqini ortaya qoyur. Keçən il təqdim etdiyi həm performansı, həm uzun ömrü ilə bilinən 970 Pro SSD-sinin yeni versiyası olan 980 Pro təqdim edildi. Yeni SSD-nin 3 fərqli yaddaşa malik versiyası olacaq: 250 GB, 500 GB və 1 TB. Qeyd edək ki, bu SSD PCİe 4.0 interfeysini dəstəkləyir. Bu o deməkdir ki, bu cihaz ekosistemdəki ən yenə və ən sürətli ötürmə protokoluna malikdir.Samsung-un yeni 980 Pro SSD-si saniyədə 7 GB fayl oxuya bilir.

“Microsoft” şirkəti “Word” (“Office” proqramlar paketinə daxildir) mətn redaktorunda səs yazılarının deşifrə edilməsi funksiyasını tətbiq edib. Bu haqda “Microsoft”un bloqunda məlumat verilib.

“Transcribe” adlandırılmış xidmət həm mp3, wav, m4a və ya mp4 formatında yüklənmiş kənar səs fayllarını, həm də birbaşa “Word” vasitəsilə edilmiş səs yazılarını deşifrə edir. Hazır mətni redaktə etmək və əsas sənədə əlavə etmək mümkündür.