11 illik fasilədən sonra Nokia brendi PureBook X14 adlı yeni nəsil noutbuk modelini təqdim edib. Yeni noutbuk alüminium materialdan hazırlanmış gövdə, 14 düym Full HD ekran, 10-cu nəsil Intel Core i5 prosessoru və bir çox giriş əldə edib. Nokia PureBook X14 modeli orta büdcəli noutbuk qismində çıxış edir. O, 10-cu nəsil Intel Core i5-10210 prosessoru əsasında hazırlanıb. Sözügedən prosessorun nüvəsi adi rejimdə 1.6 GHz tezlikdə, TurboBoost rejimində isə 4.2 GHz tezlikdə çalışır.

Microsoft şirkətinin mütəxəssisləri IT təhlükəsizlik mövzusuna aid yeni hesabatlarında internetdə yayılmış yeni zərərli tətbiqlərdən danışıblar. Həmin tətbiqlərin alqoritmləri isə bir neçə məşhur brauzerin təhlükəsizlik mexanizmini deaktiv edə bilirlər. Hackerlərin istifadə etdikləri bu yeni üsul istifadəçilərin də xəbərləri olmadan onların istifadə etdikləri brauzerlərə əlavələri (extensions) yazır.

ZTE” şirkəti “ZTE Blade V2021 5G” adlı yeni smartfonunu təqdim edib. “MediaTek Dimensity” prosessoru əsasında işləyən ucuz aparatın özəlliyi beşinci nəsil şəbəkələrinin dəstəklənməsi, tutumlu akkumulyator və əməli yaddaşın tutumunun artırılması olub.

 Cihaz 6,52 düymlük diaqonala malik və yeniləmə tezliyi 60 hers olan IPS displeylə təchiz edilib. Aparat “5G” modemlə təchiz edilmiş “MediaTek Dimensity 720” mobil platformasına malikdir.

Bu ilin yay fəslində Google şirkəti məlumatların sürətli mübadiləsi üçün Nearby Sharing funksiyasının beta testini iş salmışdı. Bu funksiya bir Android cihazdan digərinə sürətli foto, video və linklərin ötürülməsi imkanını verir. İndi isə Google şirkəti bu funksiyanın imkanlarının genişləndirdiyini elan edib. Belə ki, istifadəçilər digərləri ilə Google Play tətbiqlərini bölüşə biləcəklər. Google bu yeni özəlliyin texniki təfərrüatları barəsində məlumat verməyib. Lakin şirkət bildirib ki, bu özəllik yaxın zamanda təqdim olunacaq yenilənmənin vacib funksiyalarından biri olacaq.

İnternetdə Xiaomi-nin yeni flaqman smartfonları olacaq Mi 11 və Mi 11 Pro modellərinin texniki özəllikləri ortaya çıxıb. Belə ki, insayderlərdən biri öz Twitter hesabında sözügedən smartfonların texniki özəlliklərini özündə əks etdirən cədvəli təqdim edib. Beləliklə məlumata əsasən hər iki smartfon 6 düymdən aşağı olmamaqla kənarları əyilmiş AMOLED ekran əldə edəcək. Ekranlar 120 Hz-lik təsvir yenilənməsini dəstəkləyəcəklər. Adi Mi 11 modeli 4780 mAh, Mi 11 Pro modeli isə 4500 mAh enerji tutumlu batareya ilə təchiz olunacaq.