Bəzən uzun xronometrajlı hansısa videonu izləmək üçün yetəri qədər zaman olmur. Bundan əlavə olaraq bu cür videolarda lazımi kontentin axtarılıb tapılması prosesi də istifadəçini çox zaman qıcıqlandırır. Youtube tərtibatçıları bu problemi həll etmək qərarına gəliblər. Belə ki, Youtube tərtibatçılarının hazırladıqları yeni funksiya öz növbəsində bu və ya digər videonun istifadəçilər tərəfindən ən çox izlənilmiş hissələrini öncədən ayıracaq və onları qeyd edəcək. Beləliklə istifadəçilər hər hansısa videoda bir çox istifadəçini maraqlandıran hissə ilə tanış ola biləcəklər. Bunun nəticəsində bu və ya digər istifadəçinin də video daxilində axtardığı eyni kontenti tapmaq prosesi sadələşdiriləcək.

"WhatsApp" tərtibatçı komandası özündə "Status" ların yaradılması menyusunda bəzi qrafik dəyişiklikləri ehtiva edən yeniləmə buraxıb.

 Proqramın 2.22.11.13 nömrəli son versiyasında “Statuslar” dərc edilərkən smayliklər, mətn, şrift və mətn fonunun əlavə edilməsi düymələri ekranın yuxarı sağ küncünə köçürülüb. Daha əvvəl bu bu funksiyalar aşağı sol küncdə yerləşdirilirdi.

   Microsoft öz yeni əməliyyat sistemi olan Windows 11-ə tədricən müəyyən məhdudiyyətləri əlavə edir. Məlumata əsasən payız fəslində sözügedən əməliyyat sistemi üçün təqdim ediləcək böyük yenilənmədən sonra Windows 11-in istifadəsi üçün mütləq şəkildə Microsoft istifadəçi hesabına sahib olmaq lazım gələcək. Məlumatda qeyd edilib ki, bu ilin oktyabr ayında Windows 11 22H2 yenilənməsinin istifadəyə verilməsi gözlənilir və sözügedən yenilənmənin quraşdırılması zamanı istifadəçidən mütləq şəkildə Microsoft hesabı vasitəsilə autentifikasiyadan keçmək tələb olunacaq.

    Google şirkəti Android 13 əməliyyat sisteminin ikinci ictimai beta versiyasını istifadəyə verib. İstifadəyə verilmiş Android 13 Beta 2 versiyası özündə bəzi yenilikləri birləşdirir. Yeniliklər əsasən interfeys dizaynını əhatə etsələr də, Google şirkətinin Android 13-də reallaşdırılacaq digər maraqlı funksiyalar ilə bağlı planları var. Android 13 Beta 2 artıq müxtəlif brendlərin smartfonları üçün istifadəyə verilib. Onların arasında Xiaomi, Google Pixel, OPPO, Vivo, ZTE, OnePlus, Nokia və s. smartfonlar var.

30 apreldə bu cihazlar "WhatsApp”la vidalaşır.
Mesajlaşma proqramı olan WhatsApp aprelin 30-dan etibarən bəzi cihazlarda fəaliyyətini dayandıracağını açıqlayıb. 
Çoxlu istifadəçi sayına malik olan mesajlaşma proqramı WhatsApp indi təkcə əyləncə üçün deyil, həm də biznes üçün istifadə olunur. Bu səbəbdən bir çox WhatsApp istifadəçilərinin istifadə etdiyi cihazlar indi tətbiqin yeni versiyaları ilə uyğun gəlmir. Bu vəziyyəti nəzərə alan WhatsApp bəzi əməliyyat sistemlərinin artıq istifadə edilməyəcəyini və bu sistemlə işləyən telefon, planşet,