Azərbaycan istifadəçilərini gizli şəkildə pullu xidmətlərə abunə edən və şəxsi məlumatları ələ keçirən yeni zərərli proqramla bağlı xəbərdarlıq edilib.

“Kaspersky”dən  verilən məlumata görə, belə troyanları Android platformalı cihaz istifadəçilərindən pul mənimsəməyin klassik üsullarından biri hesab olunur.

Artıq bir neçə ildir ki, onlar adi istifadəçilərin telefonuna sızaraq, faydalı proqramları imitasiya edir və gizli şəkildə pullu xidmətlərə abunə edirlər.

Yaxın zamanda Chrome brauzerində istifadəyə veriləcək 2 yeni faydalı funksiya barəsində məlumatlar internetdə ortaya çıxıb. İstifadəyə veriləcək birinci funksiya mətnləri stilus vasitəsilə yazmağa üstünlük verən istifadəçilərin işlərini asanlaşdırmaq, ikinci funksiya isə kompüterdə brauzer vasitəsilə daxil olunan müxtəlif istifadəçi hesablarının şifrələrinin təhlükəsizliklərini yüksəltmək üçün nəzərdə tutulub. Beləliklə verilmiş məlumata əsasən Google və Samsung birgə şəkildə mobil Chrome-un Android 13 versiyasında əl yazısının tanınması və təyin edilməsi funksiyası üzərində çalışırlar. Bu cür funksiya S Pen dəstəkli cihazlarda reallaşdırılacaq.

Windows 7-nin rəsmi dəstəyinin dayandırılmasına baxmayaraq sözügedən əməliyyat sistemi hələ də çox məşhurdur. Lakin Windows 7 üçün artıq rəsmi təhlükəsizlik yenilənmələri istifadəyə verilmədiyi üçün o, daimi şəkildə hackerlər tərəfindən böyük diqqətə layiq görülür. Qbot adlı troyanın bir neçə müddət bundan öncə aşkar edilmiş təkmilləşdirilmiş versiyası məhz Windows 7 istifadəçiləri üçün nəzərdə tutulub. Bununla belə sözügedən virus kompüterin sisteminə çox maraqlı üsul ilə daxil olur. Windows 7 vasitəsilə çalışan kompüter sisteminin yeni hack üsulu barəsində məlumatı proxylife ləqəbli İT mütəxəssis öz hesabatında təqdim edib.

Çinin texnologiya nəhəngi olan Baidu şirkəti avtonom şəkildə hərəkət edən nəqliyyat vasitələri sahəsinə tədricən daxil olmağa davam edir. Bu istiqamətdə şirkət avtopilot sisteminə sahib yeni taksi modelini təqdim edib. Təqdim edilmiş yeni elektrikli taksi  modeli yaxın gələcəkdə Çində sərnişinlərin daşınması ilə məşğul olacaq. Apollo RT6 EV adlı taksi xarici görünüşcə off-road ilə minivanın sintezini xatırladır. Sözügedən elektromobil çıxarıla bilən sükana sahibdir. Buna görə də o, sürücüsüz olmadan da hərəkət edə bilir. Bu, Baidu şirkətinin 6-cı nəsil pilotsuz avtomobil modelidir. Bu elektromobil 4-cü səviyyəli avtopilot sistemini özündə birləşdirir. Bu isə o deməkdir ki, Apollo RT6 EV öncədən qeyd edilmiş ərazilərdə tamamilə avtonom şəkildə hərəkət edə bilir.

NVIDIA şirkəti Stenford Universiteti ilə birgə əməkdaşlıq çərçivəsində EG3D adlı yeni neyron şəbəkəsi yaradıb. Sözügedən neyron şəbəkəsi ikiölçülü adi təsvirlər əsasında realistik üçölçülü təsvirlər yarada bilir. Məlumata əsasən yaradılmış bu alqoritm mövcud olan digər analoqları həm sürət həm də dəqiqlik baxımından geridə qoyur və bununla yanaşı öz işi üçün o qədər də güclü kompüter tələb etmir. EG3D adlı neyron şəbəkəsi adi insanların, məşhur şəxslərin və hətta heyvanların üzlərini detallı şəkildə yarada bilir. Onun generasiya etdiyi 3D obyektlər bütün perimetr üzrə düzgün həndəsi özəlliklərə sahibdirlər. Lakin alqoritm tərəfindən yaradılan 3D obyektləri oyunlarda və buna bənzər digər layihələrdə hələ istifadə etmək mümkün deyil.