WordPad tətbiqi 30 ilə yaxın Windows əməliyyat sisteminin bir hissəsi olub. Sözügedən tətbiq ilk dəfə Windows 95 əməliyyat sistemində istifadəyə verilmişdi. İndi isə Microsoft şirkəti elan edib ki, o, yaxın zamanda WordPad tətbiqini Windows 11-dən siləcək. Maraqlısı ondadır ki, WordPad Windows tətbiqləri arasında Dark Mode rejimini əldə etməmiş tətbiqlərdən biri idi. Bu isə öz növbəsində şirkətin ondan imtina edəcəyinə işarə edirdi.

“Facebook”da tətbiq olunan yeniliklə istifadəçilər mobil tətbiq üzərindən öncəki günlərdə hansı linklərə daxil olduqlarını görə bilirlər.

"Facebook" sosial şəbəkəsi üzərindən müxtəlif linklərə keçid edən istifadəçilər 30 gün ərzində bu linklərin tarixçələrini əldə edə bilirlər. Bununla da onlar bir neçə gün öncə hansı linklərə daxil olduqlarını izləyə və yenidən həmin linklərə keçid edə biləcəklər.

Süni intellekt alətləri hər keçən gün təkmilləşir və yeniliklər ilə qarşımıza çıxır. Belə ki, indi alimlər insanların nə vaxt öləcəyini 78% dəqiqliklə proqnozlaşdıra bilən süni intellekt modeli hazırlayıblar. Life2vec adlandırılan süni intellekt insanların dünyasını dəyişərkən nə qədər sərvətə sahib olacağını proqnozlaşdıracaq. Qeyd edək ki, alimlər yeni süni intellekt modelini hazırlayarkən danimarkalı 6 milyon insanın sağlamlıq məlumatlarından və demoqrafik qeydlərindən istifadə ediblər.