Hazırda internetdə bir çox platformada reklam yayımlanır. Belə ki, YouTube, Facebook, Instagram habelə Twitch kimi məşhur platformalarda reklamlardan əhəmiyyətli dərəcədə istifadə olunur. Ümumiyyətlə bir çox şirkət reklam vasitəsi ilə gəlir qazanmağı üstün tutur. Microsoft şirkəti isə reklam müqabilində istifadəçilərinə pulsuz oyun vermək üçün hazırlıq görməyə başlayıb. Bildiyimiz kimi, hazırda Microsoft Xbox Cloud Gaming bulud oyun xidmətində sadəcə Fortnite oyununu pulsuz təklif edir. Habelə indi texnologiya nəhəngi reklam izləmək müqabilində pulsuz təklif edilən oyunların sayını artıra bilər.

Microsoft Gaming CFO-su Tim Stuart ötən ayın sonunda Wells Fargo TMT sammitində verdiyi müsahibədə reklam izləmək müqabilində pulsuz oyun əldə etməklə bağlı imkandan da bəhs edib.

Gələn ilin aprel ayında bağlanacaq Google Podcast xidmətindən istifadə edənlər mövcud podcast abunəliklərini asanlıqla YouTube Music platformasına köçürə biləcək. Hazırda bu seçim yalnız Amerikadakı istifadəçilər üçün əlçatandır. Lakin tezliklə Google bütün dünyadakı istifadəçilərə öz abunəliklərinin YouTube Music platformasına köçürməsinə icazə verəcək. Onu da qeyd edək ki, Podcast xidməti aprel ayında bağlansa da, amerikalı istifadəçilər podkastları hələ 2024-cü ilin martına qədər dinləyə biləcək.

Nokia bu dəfə televizor sahəsində rəqabətə girir. Belə ki, Avropada Nokia lisenziyası ilə televizorları və Android TV qutuları istehsal edən StreamView şirkəti yeni modellərini elan edib. Belə ki, ölçüləri 24 ilə 43 düym arasında olan televizorlar ucuz və sərfəli televizor axtaranlar üçün istehsal olunub. Ümumiyyətlə son illərdə StreamView şirkəti nokia lisenziyası ilə ağıllı televizor və android tv qutuları istehsal etməyə başlayıb.

StreamView-un yeni avropada istehsal edilən Nokia televizorları 24-43 düym arasında ölçülərə sahib olsa da, 24 və 39 düymlük modellər HD təsvir ölçüsünə malikdir. Habelə 43 düymlük model FHD təsvir ölçüsü ilə gəlir. Onu da qeyd edək ki, 32 düymlük model həm HD, həm də FHD təsvir ölçüsü seçimi təklif edir. Beləliklə, 12 volt enerji təchizatı ilə təchiz edilmiş televizorlar sadə və ucuz televizor axtaranlar üçün Nokia yeni bir seçim təklif edir.

Google indi Android ekosistemi üçün Private Space adlı yeni funksiya hazırlayır. Belə ki, yeni funksiya ilə istifadəçilər android smartfonlarında istəmədikləri tətbiqləri gizlədə biləcəklər. Hələlik isə bu funksiyanın nə zaman istifadəyə veriləcəyi məlum deyil. Ümumiyyətlə ABŞ mərkəzli texnologiya nəhəngi Google ötən aylarda buraxdığı Android 14 üzərində yeniliklər etməyə davam edir. Google indi Android 14 QPR2 Beta 2 versiyasında yeni funksiyasını açıqlayıb. “Şəxsi Sahə” adlanan funksiya bəzi istifadəçilər üçün əvəzolunmaz yenilikdir.

Ümumiyyətlə istifadəçilər Android smartfonlarına daim yeni tətbiqlər və proqramlar quraşdırır. Bəzən isə bu tətbiqlərdən bəzilərini gizli saxlamaq lazım gəlir.