Chrome brauzerinin Incognito adlı rejimi brauzer tarixçəsində heç bir iz qoymadan saytlara baxış imkanını verir. Lakin bu, Google şirkətinə Chrome istifadəçilərinin aktivliklərini izləməkdə mane olmur. Şirkət bunu, Incognito rejiminin təsvirindəki məlumata düzəliş edərək etiraf edib. Google 2020-ci ildən müəyyən sayda istifadəçidən ibarət qrupla məhkəmə prosesində idi. Belə ki, istifadəçilər şirkəti Chrome brauzerindəki Incognito rejimində belə istifadəçiləri izləməkdə günahlandırırdı. Keçən ilin sonuna yaxın isə şirkət bu məsələnin sülh yolu ilə həll edilməsinə razılıq verdi. Yaxın zamanda baş tutacaq məhkəmə qərarı vasitəsilə şirkətin istifadəçilərə ümumilikdə nə qədər təzminat ödəyəcəyi bilinəcək.

Məhəmməd ibn Zeyd Əl-Nəhayan adına Süni Zəka Universitetinin (MBZUAI) tədqiqatçılar komandası əsl insanın əl yazısına bənzər şriftləri tərtib etməyi bacaran neyron şəbəkəsini yaradıblar. Yaradılmış neyron şəbəkəsinin təlimatlandırılması üçün əl yazısı nümunəsinin kiçik bir fraqmenti kifayət edib. Mütəxəssislər ilk növbədə ingilis dilində əl yazısının tərtib edilməsinə diqqət ayırıblar. Lakin növbəti mərhələlərdə onlar bu neyron şəbəkəsinə digər dillərdə də əl yazısının tərtib edilməsini öyrədəcəklər. Mütəxəssislər yaratmış olduqları neyron şəbəkəni əl yazısını tərtib edən digər sistemlər ilə müqayisə ediblər. Bunun üçün onlar bu mövzuda 3 neyron şəbəkəsi tərəfindən tərtib edilmiş nümunələri 100 nəfərə göstəriblər və həmin şəxslərə ən yaxşı variantı seçmək təklifini ediblər. Məlum olub ki, 100 nəfər şəxsin 81%-i məhz yaradılmış yeni neyron şəbəkəsinin tərtib etmiş olduğu nümunəni seçib.

Bir çox texnologiya nəhəngi kimi, Google da ABŞ-da baş tutan CES 2024 sərgisi çərçivəsində bir çox yenilik elan edib. Belə ki, Android üçün Nearby Share sistemi artıq Quick Share olur və Chrome brauzeri birbaşa avtomobillərə gəlir. Ümumiyyətlə ötən ay Android tərəfində sürpriz xəbərin gündəmə gəldiyi yəqin ki, hərkəsə məlumdur. Məhz iddialara görə, Androidin AirDrop rəqibi Nearby Share sisteminin ad dəyişikliyi ilə Quick Share olacağı məlum olmuşdu. Məhz bu iddianın ən maraqlı tərəfi Samsung şirkətinin uzun müddət öz həlli üçün Quick Share adından istifadə etməsi olmuşdu.

Verilmiş məlumata əsasən Google şirkəti özünün Bard adlı süni zəka əsaslı çat-botunun təkmilləşdirilmiş versiyası üzərində çalışır. Məlumatda qeyd edilib ki, çat-botun təkmilləşdirilmiş versiyası Bard Advanced adını əldə edəcək. Məlumata əsasən Bard Advanced-in əsasında Google şirkətinin keçən ay təqdim etmiş olduğu Gemini Ultra süni zəka modeli dayanır. Çox güman ki, Gemini Ultra sayəsində Google Bard çat-botun hal-hazırki adi versiyasından daha təkmilləşdirilmiş olacaq.