Bu gündən "Microsoft" şirkəti "Skype" platformasının fəaliyyətini rəsmi olaraq dayandırıb.

Şirkətin texniki dəstək səhifəsində istifadəçi hesablarının avtomatik olaraq "Microsoft Teams" xidmətinə köçürüləcəyi qeyd olunub.  
Qeyd edək ki, "Skype" platforması ilk dəfə 2003-cü ildə istifadəyə verilib və 2011-ci ildə "Microsoft" tərəfindən satın alınıb.

Visa, yeni süni intellekt sistemi ilə alış-verişi rəqəmsal agentlərə təhvil verən bir həll təqdim edib. Alış-veriş istifadəçilərin müəyyən etdiyi limitlər daxilində süni intellektə həvalə edilib.

Visa süni intellektlə alış-verişin yolunu açır. Şirkətin elan etdiyi yeni sistem sayəsində artıq rəqəmsal agentlər sizin adınıza məhsulların axtarışı, seçilməsi və alınması ilə məşğul olurlar. Məqsəd bu yeni alış-veriş tərzini həm daha təhlükəsiz, həm də idarə edilməsini asanlaşdırmaqdır.

Yəqin ki, bir körpünün uçmaq üzrə olduğu ehtimalı 20 faiz olsaydı, heç kim o körpüdən keçməyə cürət etməzdi. Habelə, Təyyarənin 20 faiz qəza ehtimalının olduğunu bilsəydik, heç kim o təyyarəyə minməzdi. Ancaq süni intellekt kimi inqilabi texnologiyanı ona etibarımız və gözləntilərimizlə sürətlə irəlilədikcə, eyni 20 faizi göz ardı edirik. Lakin bu dəfə xəbərdarlıq süni intellektin yaradıcılarından biri tərəfindən edilir: Geoffrey Hinton. Belə ki, onun CBS telekanalına müsahibəsində verdiyi açıqlaması hər kəs tərəfindən təəccüblə qarşılanıb. Müasir süni intellektin memarlarından biri olan və “Süni intellektin atası” kimi tanınan Nobel mükafatı laureatı Hinton bildirib ki, süni intellektin dünyanı ələ keçirmək ehtimalı 20%-dir.

xAI şirkətinə məxsus süni zəka çat-botu Grok yaxın zamanda yeni bir yeniləmə əldə edəcək. Söhbət, Grok 3.5-dən gedir. Hazırda bu versiya beta test mərhələsindədir və geniş ictimaiyyət üçün əlçatan deyil. Lakin SuperGrok abunəçiləri ona artıq gələn həftə erkən çıxış əldə edəcəklər. Rəsmi buraxılış tarixi hələ təsdiqlənməsə də, qarşıdakı yeniləmənin əsas xüsusiyyətlərindən biri Grok 3.5-in texniki suallara unikal cavablar verə bilməsi olacaq. Xüsusilə, Musk Grok-un yeni versiyasının elektrokimya və raket mühərrikləri kimi mürəkkəb elmi-texniki sahələrdə müəyyən dəqiqliklə işləmək qabiliyyətini vurğulayıb.

Meta, Meta AI-ni WhatsApp, Instagram, Facebook və Messenger-ə inteqrasiya etdikdən sonra indi ayrıca bir süni zəka tətbiqi kimi istifadəyə verib. Bu tətbiq çərşənbə axşamı Meta-nın LlamaCon tədbirində təqdim olunub və istifadəçilərə Meta AI-ya ayrıca bir tətbiq vasitəsilə giriş imkanı verir - bu, ChatGPT tətbiqi və digər süni zəka köməkçi tətbiqlərinə bənzəyir. İstifadəçiləri cəlb etmək üçün Meta OpenAI və Anthropic kimi şirkətlərdən fərqli cəhətlərindən istifadə etməyə çalışır.