Dünyaca məşhur texnologiya nəhəngi, xüsusilə telefon oğrularına qarşı istifadəçilərini qorumaq üçün inkişaf etdirdiyi bu yeni sistemi ilk dəfə Google Chrome brauzerində sınaqdan keçirəcək. Sistem, oğruların PIN kodunuzu görsələr belə, həssas məlumatlarınıza girişini əngəlləyəcək şəkildə dizayn edilib. Bu xüsusiyyətlə birlikdə, etibarlı məkanlardan kənarda olduğunuz təyin edildikdə, Chrome brauzerindəki ödəniş məlumatlarına, inkoqnito səhiflərinə və sinxronizasiya ayarlarına daxil olmaq üçün üz tanıma və ya barmaq izi kimi biometrik təsdiq tələb olunacaq. Bu halda, PIN kodu və ya şifrə kimi alternativ doğrulama üsulları dərhal ləğv ediləcək və təhlükəsizlik ən yüksək səviyyəyə qaldırılacaq.

Google şirkəti nüvə energetikası sahəsində fəaliyyət göstərən Kairos Power adlı startap ilə müqavilə bağladığını elan edib. Müqavilənin şərtlərinə əsasən bu startap şirkət üçün kompakt ölçülü nüvə reaktorlarını inşa edəcək. İnşa ediləcək nüvə reaktorları Google şirkətinin data mərkəzlərinin elektrik enerjisi ilə təmin olunmasında istifadə ediləcək. İki şirkət arasındakı razılaşmaya əsasən Google 500 meqavat elektrik enerjisi əldə edəcək. Google şirkətinin sözlərinə əsasən nüvə reaktorları artıq bu onilliyin sonuna kimi istifadəyə verilməlidir.Süni zəka texnologiyası isə data mərkəzlərinin enerji sərfiyyatlarını daha da yüksəldib.

 Alimlər, kvant rabitə şəbəkəsində məlumatların təhlükəsiz ötürülməsi üçün istifadə oluna bilən işıq hissəcikləri yarada bilən qeyri-adi parlaq işıq mənbəyi hazırlayıblar.

 Kvant interneti, dolaşıq foton cütlərindən istifadə edərək məlumat ötürə bilər. Bu fotonlar, kvant mexanikasının qəribə qanunlarına uyğun olaraq zaman və məkandan asılı olmayaraq məlumat paylaşa bilir. Dolaşıq fotonlarda kodlanmış məlumatlar, yüksək sürətlə ötürülə bildiyi halda, “kvant koherensiyası” adlanan vəziyyət sayəsində məlumatlar tutulmaz hala gəlir.Bununla belə, kvant internetinin qurulmasında ən böyük problemlərdən biri məsafə artdıqca bu fotonların gücünün zəifləməsidir.

Buna görə də uğurlu kvant interneti üçün fotonlar dolanışığı itirmədən uzun məsafələrə daşına bilməlidir.

Süni intellektin bir çox peşə sahələrində geniş şəkildə istifadə edildiyini müşahidə edirik. Xüsusilə kənd təsərrüfatı sektorunda diqqətçəkən inkişaflar baş verir. O, kənd təsərrüfatında məhsuldarlığı artırmaq, resurslardan istifadəni optimallaşdırmaq və ətraf mühitə təsirləri azaltmaq üçün mühüm həllər təklif edir. Təəssüf ki, süni intellekt kənd təsərrüfatı işçilərinin yerini alacaq. Bununla yanaşı, süni intellektin çağrı mərkəzi işçiləri, məlumat girişi və inzibati dəstək işçiləri, kargo və anbar işçiləri, istehsal və montaj işçiləri ilə müştəri təmsilçilərinin də yerini alacağı deyilir.

“Microsoft Defender”ə əlavə olunacaq yeni funksiya sayəsində qorunmayan Wi-Fi şəbəkəsinə qoşulduqda xəbərdarlıq göstəriləcək. Beləliklə, Defender bizi potensial virus mənbələri barədə xəbərdar edərək qorumağa çalışacaq.

Ümumiyyətlə, Microsoft Defender artıq bir çoxumuz üçün yeganə antivirus mənbəyinə çevrilib. Keçmişlə müqayisədə bir çox ödənişli antivirus proqramlarının istifadəçilərinin sayı əhəmiyyətli dərəcədə azalıb və Microsoft Defender-in istifadəçi məmnunluğunu və təhlükəsizliyini artırmaq üçün yeni funksiyalar təqdim etməyə davam edir. Bu gün yayımlanan yeni funksiyaya görə, Microsoft Defender indi istifadəçiləri təhlükəli Wi-Fi şəbəkələri barədə xəbərdar edəcək. İctimai Wi-Fi şəbəkələri gündəlik həyatda yaxşı fəaliyyət göstərə bilər, lakin bu şəbəkələr həm də kibercinayətkarların əsas hədəfidir.