Whatsapp tərtibatçıları messenceri yeniləyərək ona çoxdan gözlənilən funksiyanı əlavə ediblər. Söhbət bir cihazda eyni anda iki Whatsapp hesabının istifadəsi funksiyasından gedir. Messencerin rəsmi bloqunda Whatsapp-a ikinci telefon nömrəsinin əlavə edilməsi təlimatı yerləşdirilib. Messencerə ikinci telefon nömrəsinin daxil edilməsi üçün messencer daxilində ayarlara keçid edib istifadəçi adının yanındakı işarəyə klikləmək lazımdır.

Lakin onu da qeyd etmək lazımdır ki, bunun üçün mütləq şəkildə əlavə nömrənin SIM kartı və ya eSIM versiyası lazım olacaq. Belə ki, prosesin yekunlaşdırılması üçün həmin nömrəyə xüsusi SMS şifrə göndəriləcək.

Adobe şirkəti generativ süni zəka sistemləri ilə müxtəlif təcrübələr aparmağa davam edir. Özünün Photoshop tətbiqinə çoxlu sayda süni zəka funksiyasını əlavə edəndən sonra şirkət hal hazırda öz diqqətini videolara ayırıb. Şirkətin hazırladığı Project Fast Fill adlı yeni funksiya bu və ya digər videoda baş verənləri dəyişmək imkanına sahibdir. Sözügedən funksiya Google Pixel 8 smartfonlarında olan Magic Eraser funksiyasını xatırladır.

 Google Pixel 8 smartfonlarındakı bu funksiya fotolardakı obyektləri silməyə, onların yerlərini dəyişməyə və obyektlərin özlərini redaktə etməyə imkan verir.

Federal Aviasiya Administrasiyası (FAA) bildirir ki, SpaceX-in Starlink peyklərindən düşən dağıntılar hər iki ildən bir bir insanı yaralaya və ya öldürə bilər və təyyarəni vurmaq təhlükəsi yarada bilər.

FAA hesab edir ki, Starlink peyklərinin sayının artması ilə qəzalar baş verə bilər. Hazırda SpaceX 5000-ə yaxın peyk buraxıb. Şirkət FAA-nın 12.000 peyki idarə etmək icazəsinə malikdir və ümumilikdə 40.000-ə nəzarət etmək istəyir. Starlink bürcünün miqyasının qarşıdakı onillikdə bənzərsiz olacağına görə, FAA hesab edir ki, “2035-ci ildə dağıntıların yenidən daxil olması nəticəsində yerdəki insanlar və aviasiya üçün gözlənilən riskin 85 faizindən çoxu” Maskın kosmik gəmisindən gələcək.