LinkedIn 1 milyard istifadəçiyə çatıb!
Microsoft-a məxsus biznes yönümlü sosial şəbəkə LinkedIn bildirib ki, hazırda 1 milyarddan çox üzvü var və ödənişli istifadəçilər üçün daha çox süni intellekt funksiyaları əlavə edir.
1 Milyard istifadəçi nişanını keçmək, üzvlərin öz təhsili, iş təcrübəsi və peşəkar bacarıqlarını özündə əks etdirən CV-yə bənzər profili saxladığı LinkedIn-i Meta Platformalar kimi rəqibləri özündə birləşdirən sosial media şəbəkələrində birinci yerə qoyub.
Şirkət bildirib ki, yeni üzvlərin təxminən 80 faizi ABŞ-dan kənarda qeydiyyatdan keçib.
Görünür, Youtube videoservisinin reklam bloklayıcılarından istifadə edənlər üçün video izləmə imkanının bloklanması praktikası artıq qlobal xarakter daşımağa başlayıb. Bu barədə The Verge saytı videoservisin ictimaiyyətlə əlaqələr meneceri olan Christopher Lawton-un sözlərinə istinadən məlumat verib. Belə ki, istifadəçilər reklam bloklayıcılarının deaktiv edilməsi tələbəni əks etdirən bildirişi Youtube-dan artıq tez-tez əldə etməyə başlayıblar.
“Microsoft”, son aylarda təqdim etdiyi “Windows Copilot” süni intellekt köməkçisini nəhayət istifadəyə verib. “Windows 11 23H2” yeniləməsi ilə istifadəyə veriləcək bu xüsusiyyət əməliyyat sisteminin tarixində bir ilkdir. Belə ki, “Cortana”dan daha ağıllı olacaq köməkçi ilə yeni dövr başlayır. “Microsoft”, süni intellekt dəstəyi də daxil olmaqla əhəmiyyətli təkmilləşdirmələr təqdim edən funksiyanı istifadəyə verib.
Hələ bir neçə müddət bundan öncə Elon Musk elan etmişdi ki, X-də (keçmiş Twitter) iki yeni tarif planı istifadəyə veriləcək. İndi isə məlum olub ki, X-də həqiqətən də iki yeni tarif planı istifadəyə verilib. İstifadəyə verilmiş iki yeni tarif planından birincisi baza tarif planıdır və onun aylıq qiyməti 3$ təşkil edir. İkinci tarif planı isə Premium+ adlanır və onun aylıq qiyməti 16$ təşkil edir. Baza tarifin özəlliyi ondan ibarətdir ki, o, sosial şəbəkənin əsas funksiyalarından istifadə etməyə imkan verir.
Yay fəslində Meta şirkəti tərəfindən istifadəyə verilmiş Threads adlı yeni sosial şəbəkə artıq aylıq 100 milyon aktiv istifadəçi kütləsi göstəricisinə çatıb. Bu barədə məlumatı Meta-nın CEO-su Mark Zuckerberg təqdim edib. Zuckerberg-in sözlərinə əsasən şirkət hal hazırda Threads-in növbəti inkişaf mərhələsi barəsində düşünəcəyi ana gəlib çatıb. Məlumata əsasən şirkət Threads üzərindən X (keçmiş Twitter) ilə ciddi şəkildə rəqabət apara biləcəyinə inanır. Instagram-ın rəhbəri Adam Mosseri bildirib ki, o, Threads-in Avropa Birliyi tərəfindən sosial şəbəkələrə olan tələblərinə yaxın aylar ərzində adaptasiya olacağına ümid edir.
