Çində hər il 40 000 uşaq ürək çatışmazlığı diaqnozu ilə xəstəxanaya yerləşdirilir, lakin donor çatışmazlığı səbəbindən onların yalnız 100-dən azı ürək köçürməsi ala bilir. İndi bir çoxu üçün yeni bir şans yaranır. Çinli həkimlər ilk dəfə 7 yaşlı uşağa dünyanın ən kiçik maqnit levitasiyalı süni ürəyini implant ediblər - butulka qapağı ölçüsündə olan bu cihaz xəstəliyin son mərhələsində olan oğlan uşağının həyatını xilas edib. İyun ayında, 2024-cü ilin mayında, Jun Jun adlı pasientə son mərhələli ürək çatışmazlığı diaqnozu qoyulmuşdu və həkimlər ona ürək köçürülməsini tövsiyə etmişdilər. Lakin məlum oldu ki, uşağın nadir qan qrupu var və bu, uyğun donor ürəyi tapmağı ciddi şəkildə çətinləşdirirdi.

WhatsApp, istifadəçilərə söhbətlərində əlavə məxfilik səviyyəsi təmin edəcək yeni bir funksiyanın istifadəyə verildiyini elan edib. Advanced Chat Privacy adlanan bu yeni ayar, yazışmaların ixrac edilməsini və media fayllarının avtomatik olaraq cihazlara yüklənməsini həm sizin, həm də qarşı tərəfin cihazı üçün bloklayır. Əvvəllər WhatsApp-da mesajların yönləndirilməsinə qadağa qoymaq mümkün idi. Mesajlaşma artıq end-to-end şifrələmə ilə qorunur, lakin bu yeni funksiya məxfiliyi daha da gücləndirir. O, yalnız Meta AI ilə qarşılıqlı əlaqə imkanlarını məhdudlaşdırmaqla qalmır, həm də istifadəçilərə söhbətlərdə deyilən və göndərilən hər şeyin həmin çat çərçivəsində qalacağına dair əlavə güvən hissi verir.

 Bu gün YouTube platformasına ilk videonun yüklənməsindən düz 20 il ötür. Platformanın veb video playerinin istifadəçi interfeysinin hazırkı dizaynı 10 il ərzində dəyişdirilməmişdi və yubiley münasibətilə Google onu yeniləmək qərarına gəlib. Gözlənildiyi kimi, bu dəyişiklik bütün istifadəçilər tərəfindən bəyənilməyib. YouTube platformasında veb video player üçün yeni istifadəçi interfeysinin ortaya çıxması barədə bəzi Reddit forumu istifadəçiləri məlumat veriblər. Görünən odur ki, yeniləmə hələlik hər kəs üçün əlçatan deyil.

Tam elektrikli avtomobillərə (BEV) keçid avtomobil dünyasında gözlənildiyindən daha çətin bir dövrə girsə də, Renault ,Geely və Aramco-nun arxasında olan Horse Powertrain bu transformasiyaya yeni çeviklik gətirəcək texnologiyasını təqdim edib. Beləliklə, Gələcək Hibrid Konsepsiya (FHC) adlanan bu yeni güc aqreqatı, mövcud platformalarda əsaslı dəyişikliklər tələb etmədən, elektromobilləri hibrid etməyə imkan verir.

Meta şirkəti CapCut-a bənzər video yaradıcı tətbiqi olan Edits-in istifadəyə verildiyini rəsmi şəkildə elan edib. Qlobal şəkildə təqdim olunmuiş Edits tətbiqi yaradıcıların video ideyalarını izləməsinə, yeni məzmun üçün ilham almasına, effektlər və süni zəka alətləri ilə videolar yaratmasına imkan verəcək. Tətbiq həm İOS, həm də Android platformalarında mövcuddur. Tətbiqin bütün funksiyaları ilkin mərhələdə tamamilə pulsuz olacaq. Lakin bu ayın əvvəlində Instagram rəhbəri Adam Mosseri bildirmişdi ki, Edits-in gələcək versiyalarında ödənişli funksiyalar da ola bilər.