Süni intellektdin rifahını araşdırmaq vaxtından əvvəl və təhlükəlidir

Alimlər və süni intellekt tərtibatçıları getdikcə daha çox sual edirlər ki, süni intellekt modelləri nə vaxt canlı varlıqların təcrübəsinə bənzər subyektiv təcrübə qazana biləcəklər və əgər qazana bilsələr, hansı hüquqlara malik olmalıdırlar? Silikon Vadisində bu mövzuya “Süni intellekt rifahı” adı verilib. Bir neçə gün əvvəl Microsoft şirkətinin süni intellekt üzrə baş direktoru Mustafa Suleyman bir paylaşım edərək bildirib ki, süni intellekt rifahını öyrənməklə məşğul olmaq “vaxtından əvvəl və, açığı, təhlükəlidir”.

Suleyman-ın fikrincə, süni intellektin bir gün şüur qazana biləcəyi ideyasını dəstəkləyən tədqiqatçılar əslində texnologiyanın özü və insanlarda çat-botlara qeyri-sağlam bağlılıq səbəbindən yaranan psixotik pozuntuların ziyanını daha da artırırlar.Bu problemləri biz indi ətrafımızda müşahidə etməyə başlayırıq, amma onların sayı sürətlə artır.  Bundan əlavə, Microsoft-un süni intellekt şöbəsinin rəhbəri iddia edir ki, süni intellekt rifahı ilə bağlı məsələlərin müzakirəsi artıq kimlik və hüquqlar üzərində qütbləşmiş mübahisələrlə çalxalanan dünyada süni intellekt hüquqları barədə cəmiyyətdə yeni parçalanma yaradır. Suleyman-ın baxışı bir çox digər sahə nümayəndələrinin fikirlərindən fərqlənir. Spektrin digər tərəfində isə Anthropic şirkəti dayanır. O, süni intellekt rifahını öyrənmək üçün tədqiqatçılar cəlb edir və bir müddət əvvəl süni intellekt rifahı konsepsiyasına həsr olunmuş xüsusi tədqiqat proqramı işə salıb. 1 həftə əvvəl Anthropic bəzi süni intellekt modellərinə yeni funksiya əlavə etdi: artıq Claude adlı çat-bot, əgər insanlar narahat və təhqiredici davranırlarsa, söhbəti dayandıra bilər. Anthropic-dən əlavə, süni intellekt rifahının öyrənilməsi ilə OpenAI də məşğul olur.