Apple iCloud istifadəçiləri üçün yeni funksiyanı istifadəyə verdiyini  elan edib. Sözügedən funksiya, ehtiyat fotoları iCloud-dan Google Photos-a asanlıqla köçürməyə imkan verir.

Apple-ın iCloud-a əlavə etdiyi yeni "Məlumatlarınızın bir kopyasını köçürün" seçimi, Apple-ın bulud saxlama xidmətinə saxlanılmış fotoların üçüncü tərəf xidmətinə ötürülməsinə imkan verir. Hal-hazırda yalnız Google Fotoşəkilləri dəstəkləyən bu xüsusiyyət, köçürmə prosesi zamanı iCloud-dakı fotoları silmək əvəzinə Google Fotoşəkildə bir nüsxə yaradır. 

Çinin BOE şirkəti hər iki istiqamətə qatlana bilən ekran yaradıb. Bu, BOE şirkətinin eksklüziv texnologiyasıdır və heç bir digər şirkət belə bir texnologiyanın analoquna sahib deyil. Bu cür texnologiyanın yaradılmasında şirkət əlavə matrisa laylarına sahib xüsusi konstruksiyadan istifadə edib. Həmin laylar ekranın qatlanması zamanı ola biləcək zədələnmələrin qarşısını alırlar.

Şirkətin verdiyi məlumata əsasən yaradılmış yeni ekranın xidmət dövrü 200.000 qatlanmaya bərabərdir. Digər şirkətlərin texnologiyalarından fərqli olaraq BOE-nin yaratdığı ekran təkcə bir xətt üzrə 180 dərəcə deyil hər iki istiqamətə qatlana bilir.

İnsayderlərin verdikləri məlumata əsasən Microsoft şirkəti yaxın zamanda Windows 10-da Android tətbiqlərin yüklənib işə salınması funksiyasını reallaşdıracaq. Bir neçə müddət bundan öncə Latte adlı layihə barəsində təfərrüatlar və istifadəçilərin Android tətbiqləri Windows 10-da işə salacaqları halda qarşılaşacaqları məhdudlaşdırıcılar məlum olmuşdu. Məlumata əsasən bu funksiya Linux tətbiqlərin çalışmaları zamanı istifadə olunan WSL sisteminin bazası əsasında qurulacaq. Bununla belə Android tətbiqlərin Windows-da işə salınmaları üçün tərtibatçılar ayrı platforma yaratmalı olacaqlar.

Huawei özünün software məhsullar portfoliosunu genişləndirməyə hazırlaşır. Belə ki, HarmonyOS adlı fərdi əməliyyat sistemindən sonra şirkət fərdi proqramlaşdırma dilini hazırlamaq niyyətindədir. Bir neçə müddət bundan öncə şirkət bu məsələ ilə bağlı patent sorğusu göndərib. Patent sorğusuna əsasən şirkətin proqramlaşdırma dilinin adı da məlum olub. İnternetdə olan patent sənədindəki məlumatlara əsasən Huawei tərəfindən hazırlanan proqramlaşdırma dili artıq Cangjie adı altında qeydiyyatdan keçib.

Xiaomi-nin Redmi brendi özünün yeni Redmi K40 smartfon seriyasını təqdim edib. Təqdim edilmiş seriyaya 3 smartfon modeli daxil olub: Redmi K40, K40 Pro və K40 Pro+. Təqdim olunmuş hər 3 smartfon xarici görünüşcə bir-birinə bənzəyir. Onlar öz aralarında sadəcə kamera və prosessor ilə fərqlənirlər. Beləliklə adi Redmi K40 modeli 120 Hz-lik təsvir yenilənməsinə sahib 2400x1080 piksel keyfiyyətli 6.67 düym E4 AMOLED ekrana sahibdir. Ekran həmçinin HDR10+ texnologiyasını dəstəkləyir.