Xiaomi Mi 11 flaqman smartfonunun təqdim olunmasından sonra insayderlər onun sadələşdirilmiş modeli barəsində məlumat vermişdilər. Söhbət, Mi 11 Lite modelindən gedir. İndi isə sözügedən smartfonun bir sıra real fotoları ortaya çıxıb, insayderlər isə onun texniki özəllikləri barəsində məlumat veriblər. Ortaya çıxmış real fotolardan həmçinin məlum olub ki, smartfon MIUI 12 interfeysli Android 11 əməliyyat sistemi vasitəsilə çalışacaq. Smartfon 2.3 GHz tezlikdə çalışan prosessor ilə təchiz olunacaq. Lakin prosessorun dəqiq modeli hələki bilinmir. Bununla yanaşı Mi 11 Lite 6 GB RAM-ı da özündə birləşdirəcək.

Whatsapp yeni konfidensiallıq siyasətini qəbul etməyən istifadəçiləri məhdudlaşdıracaq. Bu cür istifadəçi hesabları qəbul olunan mesajları oxuya və digər şəxslərə mesaj göndərə bilməyəcəklər. Qeyd etmək lazımdır ki, yaxın bir neçə ay ərzində sözügedən messencerə yeni konfidensiallıq qaydası əlavə ediləcək. Həmin qaydaya əsasən Whatsapp istifadəçilərinin bir sıra məlumatları Facebook-a ötürüləcək. Sözügedən yeni konfidensiallıq qaydası hələ bu ay messencerə inteqrasiya edilməli idi. Lakin istifadəçilərin kütləvi narazıqlıqları səbəbilə proses may ayına təxirə salındı.

“Apple”ın 5G dəstəyinə sahib ilk telefonları olan iPhone 12 seriyası keçən payızda tanıdılıb. Şirkət növbəti addım üçün işə başladığı görünür. “Apple”ın iş elanı göstərir ki, şirkət mövcud və yeni nəsil şəbəkələrdə işləmək üçün simsiz sistem araşdırma mühəndisləri axtarır. Elanda bildirilir ki, işə qəbul olunan şəxslər “Apple”ın Silikon Vadisi və San Dieqodakı ofislərində çalışacaqlar. Şirkət bu ofislərdə simsiz texnologiya inkişafı və çip dizaynı üzərində işləyir.

İş elanında aşağıdakı ifadələr yer alır: "Apple-ın gələcək məhsullarına böyük təsir göstərəcək yeni nəsil simsiz texnologiyanın formalaşmasına töhfə vermək imkanınız olacaq.

Apple cihazlarında internetdən istifadə etmədən fayl ötürülməsini təmin edən AirDrop-a Android alternativi olan Google Nearby Share artıq istifadəyə hazırdır.

Bu xüsusiyyət sayəsində, fayllar, şəkillər, əlaqələr və s. Bluetooth, WebRTC və Wi-Fi protokolları üzərindəki müəyyən məsafələrdəki cihazlarla paylaşa biləcəksiniz. AirDrop-da olduğu kimi, istifadəçilərə də seçimlər təklif ediləcək.

İnsayderlərin verdikləri məlumata əsasən gələn ay Apple şirkəti növbəti təqdimat tədbirini keçirəcək. Həmin tədbirdə 3 yeni məhsulun təqdim olunacağı gözlənilir. İnsayder Jon Prosser-in sözlərinə əsasən Apple şirkəti gələn ay yenilənmiş iPad Pro planşetini, yeni AirPods qulaqlığını və AirTags axtarış trekerini təqdim edəcək. Qeyd etmək lazımdır ki, AirTags axtarış trekerinin hələ keçən ilin sentyabr ayında iPhone 12 ilə birlikdə təqdim olunması gözlənilirdi. Lakin bu baş verməmişdi. Buna baxmayaraq Samsung şirkəti Apple-dan tez davranaraq, SmartTag adlı axtarış trekerini Galaxy S21 ilə birlikdə təqdim etmişdi.