“Facebook” şirkəti “COVID-19” pandemiyasına görə öz əməkdaşlarına 2021-ci ilin iyuluna kimi evdən işləməyə icazə verib.

 “Biz mütəxəssislərin səhiyyə sahəsindəki təlimatlarına əsaslanaraq və şirkətdaxili məsləhətləşmələrdən sonra əməkdaşlarımıza 2021-ci ilin iyuluna kimi evdən işləməyə icazə vermək qərarını qəbul etdik” – “Facebook”un nümayəndəsi Neki Norvil deyib.

Bundan başqa, şirkət evdən işləmək üçün lazımi avadanlıqların satınalmasına 1000 dollar ayırmaq niyyətindədir.

“Microsoft” şirkəti 2020-ci ilin əvvəlində “Windows 7” əməliyyat sisteminin texniki dəstəyinin dayandırılması haqqında rəsmi açıqlama vermişdi. ABŞ şirkəti sözügedən sistemin texniki dəstəyini dayandırsa da, statistikaya əsasən, istifadəçilər masaüstü ƏS-nin aktual versiyasına keçməyə tələsmirlər.

“NetMarketShare” analitik resursunun məlumatına görə, “Windows 7” sisteminin idarəetməsi altında işləyən kompüter və noutbukların bazar payı son dərəcə cüzi templə azalır. İlin əvvəlində əməliyyat sistemi qurğuların 25,56%-nə quraşdırılmışdısa, indi bu göstərici 23,34% təşkil edir.

“Google” şirkəti “Android” əməliyyat sisteminin idarəetməsi altında işləyən smartfonlarda informasiyanın mühafizə edilməsi imkanlarını genişləndirib. İndi “Google Files”da “təhlükəsiz qovluq” adlı xüsusi funksiya istifadəyə verilib.

“ICTnews” Elektron Xəbər Xidməti “hi-tech.Yeni seçim vacib sənəd, təsvir və videoların saxlanıldığı qovluğa dördrəqəmli PİN kod quraşdırmağa imkan verir. İstifadəçi proqrama daxil olduqda hər dəfə kodu daxil etməlidir.

Hələ ki “təhlükəsiz qovluq” funksiyası “Google Files”in beta-versiyasında dəstəklənir. Sözügedən funksiya yaxın həftələrdə əksər istifadəçilər üçün əlçatan olacaq.

Dördüncü nəsil mobil şəbəkələrlə müqayisədə “5G” baza stansiyaları qoşulma sürətinin xeyli artırılmasını vəd edir – bu yaxınlarda elektronika istehsalçıları 4,3 Qbit/s sürətinə nail olmağa müvəffəq olublar. Amma test laboratoriyasından kənarda bu göstərici adətən aşağı olur. Cənubi Koreyanın aparıcı rabitə operatorları yeni avadanlığın faktiki imkanları haqqında danışıblar.

Statistika 2020-ci ilin yanvar-iyun ayları ərzində 3 telekommunikasiya şirkəti tərəfindən toplanılıb: “SK Telecom”, “KT” və “LG Uplus”.

“Google” şirkəti “Pixel 4A” adlı ən ucuz smartfonunu təqdim edib. Ucuz olmasına baxmayaraq, yeni smartfon böyük modelin qabaqcıl kamerası, həmçinin 5,8 düymlük “OLED” displey və “Qualcomm” prosessorla təchiz edilib.

“Pixel 4a” qurğusunun əsas kamerası 12,2 mp-lik sensora malikdir. 1,4 mikrometr piksel ölçüsünə malik matris f/1.7 işığa həssaslıq göstəricisi və optik sabitləşmə sistemi ilə təchiz edilib. Quraşdırılmış linzalar 77°-lik baxış bucağı təmin edir.