Bir neçə müddət bundan öncə Apple şirkətinin M1 adlı ARM prosessoruna sahib yeni MacBook modelləri satışa çıxdılar. Yeni MacBook modellərinin əsas özəlliklərindən biri də odur ki, onlar iOS tətbiqlərini dəstəkləyirlər. Görünür, Microsoft şirkəti Apple-dan geri qalmaq niyyətində deyil. Belə ki, ortaya çıxmış məlumata əsasən Microsoft şirkəti Windows 10-a mobil tətbiqlərin dəstəyini əlavə etməyi planlaşdırır. 

Xiaomi şirkətinin müstəqil Poco brendi Poco M3 smartfonunun qlobal təqdimatını keçirib. Sözügedən smartfon büdcəli smartfonlar siyahısına daxil olsa da şirkət istifadəçilərin gözləntilərini qarşılamaq üçün əlindən gələni edib. Beləliklə Poco M3 modeli yüksək həcmli batareya, keyfiyyətli kameralar, stereo səsgücləndiricilər və performanslı prosessor əldə edib.

Poco M3 smartfonu Full HD+ keyfiyyətli 6.53 düym IPS ekrana sahibdir.

İnsayderlər artıq dəfərlərlə xəbər veriblər ki, Samsung şirkəti Galaxy S seriyasını və qatlana bilən Galaxy Z Fold 3-ü smartfonunu S Pen stilusu ilə təchiz etməyi panlaşdırır. İnsayderlərin yeni hesabatları qatlana bilən Galaxy Z Fold 3 smartfonunun güman olunan satış tarixini özündə birləşdirir. Bununla yanaşı hesabatdakı məlumata əsasən Samsung şirkəti Galaxy Note seriyasından ümumiyyətlə imtina etmək niyyətindədir. 

 İnternetdə Apple şirkətinin öz noutbukları üçün nəzərdə tutulmuş M1 adlı 5 nanometrlik prosessorunun bençmark nəticələri artıq mövcuddur və həmin nəticələrə əsasən M1 prosessoru Nvidia ilə AMD şirkətlərinin bir sıra prosessorlarını geridə qoyur. İndi isə praktiki cəhətdən M1 və Intel prosessoruna sahib MacBook Pro modellərinin performanslarını müqayisəsinə baxılır. Müqayisə üçün M1 prosessoruna sahib yeni MacBook Pro və 4 nüvəli Intel Core i5 prosessoruna sahib 13 düym ekranlı MacBook Pro modeli seçilib.

“Huawei” şirkəti öz istehsalı olan prosessorla təchiz edilmiş ilk masaüstü kompüterini istifadəyə verməyə hazırlaşır.

 “MateStation B515” adlandırılmış fərdi kompüter “HiSilicon” tərəfindən hazırlanmış və 7 nm-lik texnoloji proses üzrə istehsal edilmiş “Kunpeng 920” prosessoru ilə təchiz edilib. ARM arxitekturası üzrə hazırlanmış çip maksimal takt tezliyi 2,6 QHs olan 4 və ya 8 nüvə ilə təchiz edilə bilər.