Android 12-nin stabil versiyasının istifafəyə verilməsindən 4 ay sonra Google şirkəti Android 13-ün tərtibatçılar üçün nəzərdə tutulmuş Android 13 Developer Preview 1 versiyasını təqdim edib. Sözügedən versiya yalnız tərtibatçılar üçün nəzərdə tutulsa da onda qlobal dəyişikliklər o qədər də çox deyil. Tiramisu kod adına sahib Android 13-də yenilənmiş Material You temaları istifadə edilir və həmin temalar Google smartfonlarından başqa digər cihazlarda da aktivdir. Material You çərçivəsində tətbiqlərin ikonları istifadəçi tərəfindən seçilmiş temanın rənglərini əks etdirirlər.

Ortaya çıxmış yeni məlumata əsasən Qualcomm şirkəti yaxın zamanda Snapdragon 8 Gen 1+ prosessorunu təqdim edəcək. Yeni prosessorun yaxın aylarda təqdim olunması gözlənilir. O, keçən ilin sonunda təqdim edilmiş Snapdragon 8 Gen 1-in davamçısı olacaq. Aktual olan Snapdragon 8 Gen 1-in təqdim olunmasından öncə məlum idi ki, sözügedən prosessorun iki versiyası mövcuddur. Onlardan birini Samsung şirkəti, digərini isə TSMC şirkəti istehsal edir. İndi isə məlum olub ki, Qualcomm şirkəti hal hazırda Snapdragon 8 Gen 1+ modeli üzərində çalışır. Onun istehsalı ilə yalnız TSMC şirkəti məşğul olacaq. Yeni prosessor da 4 nanometrlik texnoloji proses əsasında hazırlansa da o, Snapdragon 8 Gen 1-dən daha yüksək performans ilə enerji effektivliyi üzrə seçiləcək.

iPhone smartfonlarının üz tanıma funksiyası artıq maska taxdıqda da işləyəcək.

Bildirilib ki, Apple tərtibatçıları smartfonlar üçün iOS 15.4 yeniləməsinin beta versiyasına üz tanıma funksiyasını əlavə ediblər.

İndi iPhone üzünə qoruyucu vasitə taxan istifadəçini tanıya bilər. Belə ki, smartfon ayarlarında “Maska taxarkən Face ID-dən istifadə et” funksiyası əlavə edilib. Lakin bunun kilidin açılması zamanı bir qədər vaxt aparacağı vurğulanıb.

Qeyd olunub ki, bu funksiya hələlik smartfonun yalnız 12 və 13 seriyalarında işləyir. Lakin tezliklə bu seçim Face ID-si olan bütün telefonlarda əlçatan olacaq.

"Meta" (keçmiş Facebook) tərəfindən təqdim edilən "AI Research SuperCluster" superkompüterinin dünyanın 10 ən sürətli superkompüterindən biri olacağı gözlənilir.

"Meta" tərəfindən təqdim edilən məlumata görə, "AI Research SuperCluster" (RSC) şirkətə yeni və daha yaxşı süni intellekt modelləri yaratmağa, yüzlərlə fərqli dildə işləməyə, yeni artırılmış reallıq alətlərini inkişaf etdirməyə kömək edəcək.

"AI Research SuperCluster" superkompüterinin məqsədi yeni nəsil süni intellektin inkişaf etdirilməsidir.

"Brand Finance'' hər il dərc etdiyi Global 500 2022 hesabatını dərc edib və dünyanın ən qiymətli brendlərini açıqlayıb. Zirvədə yenidən ''Apple'' yer alıb.

ər il dünyanın ən dəyərli şirkətlərinin açıqlandığı Global 500 2022 hesabatı dərc edilib. Hesabatda 2021-ci ilin dünyada ən yüksək brend dəyərinə malik, ən güclü və açıqlanıb.

"Brand Finance'' Global 500 2022 hesabatına görə, marka dəyərinə görə dünyanın ən qiymətli markası 2021-ci ildə də böyük yüksəliş yaşayan ''Apple'' olub. ''Apple'' 2021-ci ildə dəyərini 355,1 milyard dollara yüksəldib. ''Apple''dan sonra gələn marka 350,3 milyard dollar marka dəyəri ilə ''Amazon'', üçüncü yeri isə 263,4 milyard dollar marka dəyəri ilə ''Google'' tutub.