Fayl ötürülməsini təmin edən Google Nearby Share artıq istifadəyə hazırdır

Apple cihazlarında internetdən istifadə etmədən fayl ötürülməsini təmin edən AirDrop-a Android alternativi olan Google Nearby Share artıq istifadəyə hazırdır.

Bu xüsusiyyət sayəsində, fayllar, şəkillər, əlaqələr və s. Bluetooth, WebRTC və Wi-Fi protokolları üzərindəki müəyyən məsafələrdəki cihazlarla paylaşa biləcəksiniz. AirDrop-da olduğu kimi, istifadəçilərə də seçimlər təklif ediləcək.

İstifadəçilərin cihazlardan faylları köçürə biləcəyi üç seçim var: Hər kəs, bəzi kontaktlar və xüsusi.

Android 6 və daha yuxarı əməliyyat sisteminə sahib bütün telefonlarda mövcud olan xüsusiyyət, bu gündən etibarən Samsung və Google Pixel telefonlarında aktivləşdirilib. Lakin bu xüsusiyyət tədricən digər telefon modellərində görünəcəkdir.

Beləliklə, fotoşəkilləri və ya videoları bir dostunuzla bölüşmək istədiyiniz zaman, internetə ehtiyac olmadan faylları asanlıqla köçürə biləcəksiniz.