Nokia bu dəfə televizor sahəsində rəqabətə girir. Belə ki, Avropada Nokia lisenziyası ilə televizorları və Android TV qutuları istehsal edən StreamView şirkəti yeni modellərini elan edib. Belə ki, ölçüləri 24 ilə 43 düym arasında olan televizorlar ucuz və sərfəli televizor axtaranlar üçün istehsal olunub. Ümumiyyətlə son illərdə StreamView şirkəti nokia lisenziyası ilə ağıllı televizor və android tv qutuları istehsal etməyə başlayıb.

StreamView-un yeni avropada istehsal edilən Nokia televizorları 24-43 düym arasında ölçülərə sahib olsa da, 24 və 39 düymlük modellər HD təsvir ölçüsünə malikdir. Habelə 43 düymlük model FHD təsvir ölçüsü ilə gəlir. Onu da qeyd edək ki, 32 düymlük model həm HD, həm də FHD təsvir ölçüsü seçimi təklif edir. Beləliklə, 12 volt enerji təchizatı ilə təchiz edilmiş televizorlar sadə və ucuz televizor axtaranlar üçün Nokia yeni bir seçim təklif edir.

Google indi Android ekosistemi üçün Private Space adlı yeni funksiya hazırlayır. Belə ki, yeni funksiya ilə istifadəçilər android smartfonlarında istəmədikləri tətbiqləri gizlədə biləcəklər. Hələlik isə bu funksiyanın nə zaman istifadəyə veriləcəyi məlum deyil. Ümumiyyətlə ABŞ mərkəzli texnologiya nəhəngi Google ötən aylarda buraxdığı Android 14 üzərində yeniliklər etməyə davam edir. Google indi Android 14 QPR2 Beta 2 versiyasında yeni funksiyasını açıqlayıb. “Şəxsi Sahə” adlanan funksiya bəzi istifadəçilər üçün əvəzolunmaz yenilikdir.

Ümumiyyətlə istifadəçilər Android smartfonlarına daim yeni tətbiqlər və proqramlar quraşdırır. Bəzən isə bu tətbiqlərdən bəzilərini gizli saxlamaq lazım gəlir.

OpenAI şirkətinin qabaqcıl GPT-4 modelini əvəz edəcəyi gözlənilən süni intellekt 3 fərqli modeldə, Gemini Ultra, Pro və Nano kimi təqdim olunur. Qeyd edək ki, Google şirkətinin yeni süni intellekt modelinin təqdimatı təxirə salınmışdı. Daha doğrusu bununla bağlı xəbərlər ortaya çıxmışdı. Məhz buna görə də yeni süni intellekt modelinin təqdim edilməsi hərkəs üçün sürpriz oldu.

Yeni Gemini süni intellekti ilk olaraq Pixel 8 pro modellərində əlçatan olacaq. Habelə mobil cihazlarda süni intellektin sadəcə Nano versiyası əlçatan olacaq.

Whatsapp tərtibatçıları messencerdə yeni funksiyanın istifadəyə verildiyini elan ediblər. İstifadəyə verilmiş yeni funksiya səsli mesajları əhatə edir. Belə ki, messencerdə avtomatik şəkildə silinən səsli mesajlar funksiyası istifadəyə verilib. Avtomatik şəkildə silinən səsli mesajı göndərmək üçün istifadəçi mesajı göndərməmişdən öncə müvafiq işarəyə klikləməlidir. Bu cür səsli mesajı qəbul edəcək şəxs isə ona qulaq asandan sonra mesaj avtomatik silinəcək. Sözügedən funksiyanı konfidensial məlumatların ötürülməsində istifadə etmək olar. Bundan əlavə olaraq avtomatik silinən səsli mesajı qəbul etmiş şəxs ona 14 gün ərzində qulaq asmalıdır. İstifadəçi 14 gün ərzində bunu etmədiyi halda mesaj silinəcək. Sözügedən funksiya yaxın günlərdə bütün Whatsapp istifadəçiləri üçün aktiv olacaq.