Cümə, 04 Aprel 2025

ChatGPT-nin məşhur foto tərtibatı funksiyası hamı üçün istifadəyə verilib

OpenAI-nin böyük dil modeli GPT-4o əsasında işləyən yeni təsvir tərtibatı funksiyası artıq bütün istifadəçilər üçün əlçatandır. Bu barədə OpenAI-nin baş direktoru Sam Altman, X sosial şəbəkəsindəki səhifəsində yazıb. Bundan əvvəl yeni süni zəka təsvir generatorundan yalnız ChatGPT-nin ödənişli abunəçiləri istifadə edə bilirdilər. Hazırda isə servisə daxil olan pulsuz istifadəçilər gündə maksimum iki təsvir yarada bilərlər. Altman daha əvvəl gündəlik limitin üç təsvirə qədər artırıla biləcəyini də qeyd etmişdi. OpenAI-nin təsvir generasiya aləti kütləyə təqdim olunandan dərhal sonra son dərəcə məşhurlaşıb.Altman bildirmişdi ki, şəkil yaratmağa olan tələbat o qədər yüksək idi ki, şirkətin istifadə etdiyi qrafik sürətləndiricilər sözün əsl mənasında “əriyirdi”.

Generator tez bir zamanda məşhurlaşdı, çünki istifadəçilər onu Yapon animasiya studiyası Studio Ghibli üslubunda təsvirlər yaratmaq üçün istifadə etməyə başladılar. Bu isə müəllif hüquqlarının pozulması ilə bağlı narahatlıq doğurdu, çünki süni zəka tərəfindən yaradılan şəkillər studiyanın işlərinə çox bənzəyirdi.

Bəzi insanlar bu alətdən saxta qəbzlər, məsələn, restoran hesabları yaratmaq üçün də istifadə etdilər. Şirkət isə cavab olaraq bildirdi ki, süni zəka tərəfindən yaradılan bütün təsvirlər onların mənşəyini göstərən metadatalar daşıyır. Bununla yanaşı, OpenAI 40 milyard dollar invetisiya cəlb etdiyini açıqladı və bu da şirkətin bazar dəyərini 300 milyard dollara çatdırdı. Bu maliyyələşdirmə raundunun əsas investoru SoftBank olub. Şirkət həmçinin bəyan edib ki, süni zəka çat-botu ChatGPT-ni hər həftə dünya üzrə 500 milyondan çox insan istifadə edir və aylıq aktiv istifadəçi sayı 700 milyona çatıb.

       

         Telefon:  (036) 545 69 64

         E-poçt:  info@nmincom.gov.az

         Ünvan:  Naxçıvan şəhəri, AZ 7000, Atatürk 1,

         Naxçıvan Muxtar Respublikası

         İnternet və Yeni Texnologiyaların Tədrisi Mərkəzi

                                                                                         

1536449
Bu gün
Bu həftə
Bu ay
Ümumi
998
9716
6568
1536449
© 2024. Naxçıvan Muxtar Respublikası Rəqəmsal İnkişaf və Nəqliyyat Nazirliyi.