Cümə axşamı, 03 Aprel 2025

https://technote.az/sosial-media/telegram-da-odenisli-mesajlar-ve-diger-yeni-funksiyalar-istifadeye-verilib

Telegram messencerinin tərtibatçıları xidmətin inkişafını davam etdirərək yeni funksiyalar əlavə edirlər. Son yeniləmə ilə platformada ödənişli mesajlar dəstəklənməyə başlayıb. Bu xüsusiyyət sayəsində kontent yaradıcıları və ictimai şəxslər məxfiliyə daha çox nəzarət edə biləcək və populyarlıqlarını monetizasiya edə biləcəklər. Bundan əlavə yeni söhbətlərdə qarşı tərəf haqqında daha çox məlumat əks olunacaq və Telegram Premium abunəliyi artıq ulduzlarla (Stars) ödənilə biləcək. Bundan sonra tanımadıqları şəxslərdən tez-tez mesaj alan istifadəçilər, kontakt siyahılarında olmayan şəxslər üçün mesaj göndərişini ödənişli edə bilərlər.Bu yenilik, lazımsız mesajlardan qorunmağa kömək edəcək,tanış olmayan insanlara vaxt ayıran istifadəçilərin ulduzlar qazanmasına imkan verəcək.

 

Yeni funksiya arzuolunmaz mesajları filtrləməyə imkan verəcək, söhbət siyahısının həddindən artıq yüklənməsinin qarşısını alacaq və tanımadığınız şəxslərdən yalnız həqiqətən vacib mesajlar almağa şərait yaradacaq - əgər onlar mesaj göndərmək üçün ödəniş etməyə razıdırsa. İstifadəçi ünsiyyətə açıq qalacaq, lakin lazımsız mesaj axınından və spamdan qorunmaq imkanı əldə edəcək. Oxşar funksiya qruplarda da mövcuddur və kanallardakı şərhlərə tətbiq edilə bilər.

Bu yenilik qrupları spamdan qoruyacaq və İştirakçıların mövzudan yayınmasının qarşısını alacaq. Bundan əlavə, qrup sahibləri üçün bu funksiya əlavə monetizasiya imkanı yaradacaq və ulduz qazanma şansı təqdim edəcək. Eyni zamanda bəzi istifadəçilər və iştirakçılar üçün pulsuz şərh göndərmə imkanı açıq qala bilər. Daha bir yenilik, sizə kontakt siyahınızda olmayan biri yazdıqda onun haqqında məlumatın görünməsidir. Bu xüsusiyyət fırıldaqçıları və saxta hesabları tez tanımağa kömək edəcək, əksinə, qarşı tərəfin etibarlılığını yoxlamağa imkan verəcək. Naməlum kontakt haqqında informasiya blokunda aşağıdakı məlumatlar əks olunacaq:

- Telefon nömrəsinə əsasən ölkəsi
- Sizinlə ortaq qrupları (əgər varsa)
- Telegram-da qeydiyyat tarixi
- İstifadəçi adının son yenilənmə vaxtı
- Profil fotosunun təxmini son yenilənmə vaxtı
- Hesab statusu barədə göstərici.
Bununla yanaşı, messencerdə Premium hesabın ulduzlar vasitəsilə ödənilməsi imkanı da əlavə edilib. İstifadəçilər öz balanslarındakı ulduzlardan istifadə edərək özləri üçün Premium abunəliyini tam şəkildə ödəyə bilərlər və digər istifadəçilərə hədiyyə olaraq Premium abunəlik göndərə bilərlər. Bundan əlavə, ödənişli mesajlardan əldə edilən ulduzlar hesabına abunəliyin avtomatik uzadılması da mümkündür. Telegram istifadəçiləri, gələn mesajlardan ulduz qazananlar, bu ulduzları mükafata çevirmək imkanına sahib olacaqlar. Ulduzların çıxarılması Fragment platformasında həyata keçirilir. İstifadəçilər qazandıqları mükafatı aşağıdakı məqsədlər üçün istifadə edə bilərlər:
- Reklam almaq
- TON blokçeynində kolleksiya hədiyyələri əldə etmək
- Digər funksiyalar üçün istifadə etmək.
Bundan əlavə, qrup sahibləri, qrupa üzvlər tərəfindən göndərilən ödənişli mesajlardan toplanan ulduzların balansını profildə izləyə və idarə edə biləcəklər.

       

         Telefon:  (036) 545 69 64

         E-poçt:  info@nmincom.gov.az

         Ünvan:  Naxçıvan şəhəri, AZ 7000, Atatürk 1,

         Naxçıvan Muxtar Respublikası

         İnternet və Yeni Texnologiyaların Tədrisi Mərkəzi

                                                                                         

1533947
Bu gün
Bu həftə
Bu ay
Ümumi
37
7214
4066
1533947
© 2024. Naxçıvan Muxtar Respublikası Rəqəmsal İnkişaf və Nəqliyyat Nazirliyi.