Google smart saatlar üçün WearOS 5 əməliyyat sistemini hazırlayır

Google şirkəti smart saatlar üçün nəzərdə tutulmuş WearOS əməliyyat sisteminin yeni versiyasını hazırlayır. Məlumata əsasən əməliyyat sisteminin yeni versiyası WearOS 5 adlanacaq. Bununla yanaşı məlumatda qeyd edilib ki, WearOS 5-in əsasında Android 14 dayanır. Qeyd etmək lazımdır ki, Google əməliyyat sisteminin yeni versiyasını Samsung ilə birgə hazırlayır. Burdan da belə qənaətə gəlmək olar ki, WearOS 5-i ilk növbədə Galaxy Watch 7 smart saatları əldə edəcəklər. WearOS 5-də nə kimi yeniliklərin olacaqları barəsində bir məlumat yoxdur. Çox güman ki, WearOS 5 yaz fəslində keçiriləcək Google I/O 2024 konfransı çərçivəsində təqdim ediləcək.