iOS 18 generativ süni zəka funksiyasını əldə edəcək
Bloomberg saytının məşhur insayderi Mark Gurman iOS 18 barəsində ilk məlumatları təqdim edib. Onun sözlərinə əsasən gələn il təqdim olunacaq iPhone 16 smartfonları öz texniki göstəriciləri baxımından demək olar iPhone 15 smartfonlarına bənzəyəcəkləri səbəbilə Apple yeni smartfonlarda öz əsas diqqətini proqram təminatı səviyyəsində olacaq yeniliklərə ayıracaq. İnsayderin sözlərinə əsasən iOS 18-in əsas fərqləndirici özəlliklərindən biri generativ süni zəka funksiyası olacaq.İnsayder bu barədə ətraflı məlumat verməsə də qeyd edib ki, şirkət daxilində iOS 18 iddialı və cəlbedici kimi xarakterizə olunur. Şirkət yeni əməliyyat sisteminin stabilliyinə xüsusi diqqət ayıracaq. Gurman-ın sözlərinə əsasən bu məqsədlə şirkət iOS üçün yeni funksiyaların hazırlanması prosesini hələlik dayandırıb və onda olan mövcud xətaları aradan qaldırmağa çalışır. İnsayderin fikrincə növbəti iOS versiyası yenilikçi olacaq.
