Şənbə, 02 İyul 2022

Xenomorph adlı yeni Android virus Google Play-də adi tətbiq kimi maskalanaraq yayılmağa başlayıb

Mütəxəssislər Xenomorph adlı yeni Android virus barəsində məlumat veriblər. Aşkar edilmiş yeni virus Google Play Store üzərindən yayılır. Analitiklərin məlumatlarına əsasən bu virus artıq 50.000 ədəd cihazı yoluxdurub. Məlumatda qeyd edilib ki, Xenomorph adlı virus ilk növbədə cihazlardakı vacib maliyyə məlumatlarının axtarılması ilə məşğul olur. Hal hazırda sözügedən virus hələ hazırlanma mərhələsindədir. Lakin buna baxmayaraq o artıq İspaniya, İtaliya, Portuqaliya və Belçika kimi ölkələrin maliyyə müəssisələrinin müştərilərinə qarşı kiberhücumlar reallaşdırır.

Mütəxəssislər Xenomorph virusunu analiz edərək artıq təyin ediblər ki, onun kodu Alien adlı digər bank troyanının koduna çox bənzəyir.

 Burdan da mütəxəssislər belə bir qənətə gəliblər ki, Xenomorph virusu ya Alien virusunun davamçısıdır, ya da tərtibatçılar sözügedən virusları eyni vaxtda yaradırlar. Cihazın sisteminə daxil olandan sonra Xenomorph virusu vacib maliyyə məlumatlarının və istifadəçi hesabları üzərində idarənin əldə edilməsinə və icazəsiz tranzaskiyaların reallaşdırılmasına çalışır. Virus tərəfindən yığılmış bütün məlumatlar isə daha sonra bu məlumatlarda maraqlı olan şəxslərə satılır. Xenomorph virusu Google Play Store-da mövcud olan Fast Cleaner adlı tətbiq şəklində maskalanaraq yayılıb. Məlumata əsasən sözügedən tətbiq 50.000 yüklənmə sayına sahibdir. Qeyd etmək lazımdır ki, Alien adlı digər bank troyan da eyni üsul ilə yayılır. Xenomorph üzərində hələ işlərin getdiyi və onun təkmilləşdirilməsi səbəbilə mütəxəssislər onun sahib olduğu bütün özəlliklər barəsində dəqiq məlumat verməkdə çətinlik çəkirlər. 

       

         Telefon:  (036) 545 69 64

         E-poçt:  info@nakhinternet.az

         Ünvan:  Naxçıvan şəhəri, AZ 7000, Atatürk 1,

         Naxçıvan Muxtar Respublikası

         İnternet və Yeni Texnologiyaların Tədrisi Mərkəzi

                                                                                         

507658
Bu gün
Bu həftə
Bu ay
Ümumi
539
6954
1313
507658
© 2020. Naxçıvan Muxtar Respublikası İnternet və Yeni Texnologiyaların Tədrisi Mərkəzi